2 Samwil 20:16 - The Holy Bible In Alur (Lur) Revised Orthography

¹⁶ Dhaku ma riek ulund ulwong’o ku i adhura kumae, Winj, winj; akwayuwu, wuwac ni Yoab kumae, Bin ceng’ni keni, kara wawec wakudi.

2 Samwil 20:16 ပူးပေါင်းရင်းမြစ်များ

2 Samwil 14:2

Man Yoab uoro kwendai i Tekoa, man egamu dhaku ma riek ku kuca, man ewacu ire kumae, Akwei, peli giri nia in i jaywak, man ikend kendi mi ywak, akwei, man kud iwiri ku mo, ento ibed calu dhaku m’ugamu ywak con kum dhanu pare m’utho:

2 Samwil 20:17

Man ebino ceng’ni i bang’e; man dhakune wacu kumae, In i Yoabi? Man eloko lembe kumae, An a en. Elund ewacu ire kumae, Winj lembe pa bong’ peri. Man eloko lembe kumae, Abewinjo.

2 Samwil 20:22

E dhakune lund ucidho ba dhanu ceke ku rieko pare. E githumo wi Ceba ma wod Bikri, man gibole woko ba Yoab. E ekudho agwara, man julalugi ku kum adhurane, ku ba dhanu ceke ng’atuman ba hema pare. Man Yoab udok i Yerusalem bang’ ubimo.

Daniel 2:14

Daniel ulund uloko lembe ku lembapora man ku ng’eyong’ec ni Ariok ma jego ma dit mi jukur kum ubimo, m’ucidho kara eneg jurieko mi Babeli;

1 Samwil 25:3

Nie nying’ ng’atuno Nabal; man nying’ dhaku pare Abigail; man dhakune ng’eyong’ec pare ber, man wang’e leng’: ento ng’atu ma nicone pire rac man timo pare en e gondri; en e nyakwar Kaleb.