2 Samwil 2:8 - The Holy Bible In Alur (Lur) Revised Orthography

⁸ Nwang’u Abner ma wod Ner, ma jego mir udul pa Saul, egamu Ic-boceth ma wod Saul, man etere ba Mahanaim;

2 Samwil 2:8 ပူးပေါင်းရင်းမြစ်များ

Thangambere 32:2

Man ka Yakobo nenogi ewacu kumae, Maeni udul pa Mungu: man elwong’o nying’ kakeca Mahanaim.

Thangambere 32:3

E Y akobo oro kwenda i wang’e bang’ Esau m’umin mire ba ng’om mi Seir, ma podho pa Edom.

2 Samwil 17:24

Daudi lund ubino Mahanaim. Man Absalom ukadhu loka Yordan, en ku dhanu mir Israel ceke gikugi.

2 Samwil 2:29

Man Abner ku dhanu pare gicidho ku diewor maeca soro kud i Araba; man gikadhu loka Yordan, man gikadhu ku i Bithron ceke, e giwok Mahanaim.

2 Samwil 2:7

Ka kumeno kawono dong’ cingwu bed tek, man wubed jurukara, kum Saul ma rwoth mu tho, man juot pa Yuda bende giwira ni ubimo i wigi.

2 Samwil 3:38

Man ubimo wacu ni jutic pare kumae, Wung’eyo ngo nia jaditmawijo man ng’atu ma dwong’ upodho i ceng’ maeni i Israeli?

2 Samwil 3:6

Man etimbre, kinde m’ali ni kind ot pa Saul ku ot pa Daudi, nia Abner udwokre gire tek i ot pa Saul.

I Lemkei 12:29

Man mi nyithindho pa Benyamin, utumin Saul, rubanga adek; kum cu i nindo maeni ng’etgi kucel ma dit gimoko kum ot pa Saul.

I Lemkei 12:30

Man mi nyithindho pa Efraim rubanga pier ario ku dak abora, dhanu ma tek ma jurukara, dhanu ma pigi yik i udi pa weggi.

I Lemkei 8:33

Man Ner unyolo Kic; man Kic unyolo Saul; man Saul unyolo Yonathan man Malkicua, man Abinadab, man Ec-bal.

I Lemkei 9:39

Man Ner unyolo Kic; man Kic unyolo Saul; man Saul unyolo Yonathan, man Malkicua, man Abinadab, man Ecbal.

Yocuwa 21:38

Man kud i suru mi Gad, Ramoth i Gilead karacelo ku ng’ete, ma adhura mi ringo ni janek, man Mahanaim karacelo ku ng’ete,

1 Samwil 14:50

man nying’ dhaku pa Saul en e Ahinoam ma nyar Ahimaz. Man nying’ jego mir udul pare en e Abner ma wod Ner, ma neru Saul.

1 Samwil 17:55

Man kinde ma Saul uneno Daudi cidho kum Jafilisti, ewacu ni Abner, ma jego mir udul dhanu kumae, Abner, aradu maeni en e wod ng’a? Man Abner uwacu kumae, Calu ng’eyong’ec peri bedo kwo, E ubimo, acopo yero ngo.

1 Samwil 26:14

man Daudi lwong’o ba dhanune, man bang’ Abner ma wod Ner, ewacu kumae, Idwoko lembe ngo, Abneri? Abner ulund uloko lembe man ewacu kumae, In i ng’a m’ilwong’o bang’ ubimo?