2 Samwil 2:28 - The Holy Bible In Alur (Lur) Revised Orthography

²⁸ Kum kumeno Yoab ukudho agwara; man dhanu ceke gicungo ling’, man giludo tok Israel kendo ngo, kadok akieda de gikiedo kendo ngo.

2 Samwil 2:28 ပူးပေါင်းရင်းမြစ်များ

2 Samwil 2:27

Man Yoab uwacu kumae, Calu Mungu bedo kwo, dok ande k’iyero ngo, nwang’u ande kugweno dhanu gilal andha, kuno di ng’atuman kulubo tok umin ungo.

2 Samwil 3:1

Nie ali nyang’ i kind ot pa Saul ku ot pa Daudi: e Daudi cikudoko tek m’usagu, ento ot pa Saul ucikudoko ng’ic m’usagu.

2 Samwil 18:16

E Yoab ukudho agwara, man dhanu lokri ku ba lubo tok Israel kum Yoab ucero dhanune.

1 Samwil 13:3

Man Yonathan ugoyo ot ma tek mi Jufilisti ma ni i Geba; e Jufilisti giwinjo pire. Man Saul ukudho agwara i ng’ombe ceke mba mba, ewacu kumae, Wek Juebrania giwinji.

2 Samwil 20:22

E dhakune lund ucidho ba dhanu ceke ku rieko pare. E githumo wi Ceba ma wod Bikri, man gibole woko ba Yoab. E ekudho agwara, man julalugi ku kum adhurane, ku ba dhanu ceke ng’atuman ba hema pare. Man Yoab udok i Yerusalem bang’ ubimo.