2 Samwil 19:41 - The Holy Bible In Alur (Lur) Revised Orthography

⁴¹ Man, nen, dhanu ceke mir Israel gibino bang’ ubimo, man giwacu ni ubimo kumae, Nedi utumegwa ma dhanu pa Yuda gikweli, man gidwoko ubimo, ku Juode, loka Yordan, ku dhanu pa Daudi ceke gikugi?

2 Samwil 19:41 ပူးပေါင်းရင်းမြစ်များ

2 Samwil 19:11

Man ubimo oro kwenda ba Zadok man bang’ Abiathar ma gi julam, ewacu kumae, Wuyer ni judongo mi Yuda, wuwac kumae, Nedi wubedo cen kum dwoko ubimo i ot pare? kum wec mir Israel ceke bino bang’ ubimo, mi dwoke i ot pare.

2 Samwil 19:12

Wun wu utumira, wun wu cogona man ring’kuma: ka kumeno nedi wubedo cen kum dwoko ubimo?

2 Samwil 19:3

Man dhanune gicidho ling’ ling’ i ceng’ maeca i adhura, calu dhanu ma lewic unego gi kinde ma gilui ku dhu lwiny.

Jupoklembe 12:1

Man dhanu pa Efraim gicokri karacelo, man gikadhu yor ariwa ma malu; e giwacu ni Yeftha kumae, Nedi ikadhu lokaca nikiedo ku nyithindho mir Amon, ma k’ilwong’owa ngo wacidh kudi? wabiwang’u ot peri i wii ku mac.

Jupoklembe 8:1

Man dhanu pa Efraim giwacu ire kumae, Nedi itimo kumeni i bang’wa, m’ilwong’owa ngo e, kan icikiedo ku Midiani? Man giloko dhoggi kugi kle kle.