2 Samwil 18:3 - The Holy Bible In Alur (Lur) Revised Orthography

³ Ento dhanu wacu kumae, Ibicidho ngo: kum tek waringo, gibipido piwa ngo; kadok tek ng’etwa kucel utho, gibiparu piwa ngo: ento in i rom ku kindwa rubanga apar; ka kumeno kawono e ber ma sagu tek ibedo ayika mi kelo kony iwa ku i adhura.

2 Samwil 18:3 ပူးပေါင်းရင်းမြစ်များ

2 Samwil 10:11

Man ewacu kumae, Tek Jucami gibedo tek m’usagu ira, e ibilund konya; ento tek nyithindho mir Arnon gibedo tek m’usagu iri, abilund bino man abikonyi.

2 Samwil 17:2

man abibino i wie kinde m’eol man kinde ma cinge ng’ic, e abinyayu lworo i ie; man dhanu ceke ma ni kude gibiringo; e abigoyo ubimo kende.

2 Samwil 21:17

Ento Abicai ma wod Zeruia bodhe, e egoyo Jafilistine, enege de. Dhanu pa Daudi gilund gikwong’o ire, giwacu kumae, Wabicidho kudu kendo ngo i lwiny, kara kud ineg thala mir Israel.

1 Ubimo 22:31

Nwang’u ubimo mi Cami ng’olo ni jego pier adek wi ario mi magali pare, ewacu kumae, Kud wukied ku dhanu ma thindho kadi ma dongo, ndhu kud ubimo mir Israel kende.

Ywak 4:20

Yuyo mi odiumwa, wa ju ma Yehova wiro, jumaku i vur migi; Ma wawacu pire kumae, Wabikwo kind thek the tipopiny pare.

Zekaria 13:7

Ceu, E palamularu, kum jakwac para, man kum ng’atu ma wada, Yehova mir udul uwacu: wugoi jakwac, e rombe bilal; e abiloko cinga wi ju ma thindho.

1 Samwil 18:7

E mon giwero wer man ni wadi man ni wadi ka gibegoyo, man giwacu kumae, Saul unego rubanga pare, Man Daudi rubanga apar pare.