2 Samwil 18:20 - The Holy Bible In Alur (Lur) Revised Orthography

²⁰ E Yoab uwacu ire kumae, Ibibedo jayei rwonglembe tinuni ngo, ento ibitero rwonglembe ceng’ mange; ento ceng’ ma tin ibitero rwonglembe ngo, kum wod ubimo tho.

2 Samwil 18:20 ပူးပေါင်းရင်းမြစ်များ

2 Samwil 18:33

E can unego ubimo dit, man eidho malu i kusika wi dhugang’, e eywak: man kan ebewotho, ewacu kumae, E woda Absalom, woda, woda Absalom! mundo atho kakeri, E Absalom, woda, woda!

2 Samwil 18:29

Man ubimo wacu kumae, Jalawobi ma Absalom ubedo beri? E Ahimaz uloko lembe kumae, Kinde ma Yoab uoro jatic p’ubimo, en e an ma jatic peri, aneno yakni ma dit, ento ang’eyo there ngo.

2 Samwil 18:27

Man jakur uwacu kumae, Awacu nyo ng’wec pa ng’atu ma kwong’ane en e calu ng’wec pa Ahimaz ma wod Zadok. Man ubimo wacu kumae, En e ng’atu ma ber, man ebino ku rwonglembe ma ber.

2 Samwil 18:5

Man ubimo ng’olo ni Yoab kud Abicai man Itai, e ewacu kumae, Wutim ber kum jalawobine, ma Absalom, ni kuma. Man dhanu ceke giwinjo kinde m’ubimo ng’olo ni jego ceke pi Absalom.

2 Samwil 18:19

Ahimaz ma wod Zadok ulund uwacu kumae, Wek aring kawono, man ater rwonglembe bang’ ubimo, maram Yehova culo ko kwor ire kum judegine.

2 Samwil 18:21

Yoab ulund uwacu ni Jakuci kumae, Cidh, iyer ni ubimo gin m’ineno. Man Jakuci rum gire ni Yoab, e eringo.

2 Samwil 19:1

Man juyero ni Yoab, nen, ubimo beywak man can unege pi Absalom.