2 Samwil 18:2 - The Holy Bible In Alur (Lur) Revised Orthography

² E Daudi oro dhanune, mir adege the cing’ Yoab, man ng’ete mir adege the cing Abicai ma wod Zeruia, m’umin Yoab, man ng’ete mir adege the cing Itai ma Jagiti. Man ubimo wacu ni dhanu kumae, An ku kita bende wabicidho wakudu andha.

2 Samwil 18:2 ပူးပေါင်းရင်းမြစ်များ

2 Samwil 17:11

Ento aporo lembe nia Israel ceke jucok karacelo i beng’i, ugambre Dan cil kum Ber-ceba, calu kwio ma dhu nam ni udul; man nia icidh in ku kiti i lwiny.

2 Samwil 21:17

Ento Abicai ma wod Zeruia bodhe, e egoyo Jafilistine, enege de. Dhanu pa Daudi gilund gikwong’o ire, giwacu kumae, Wabicidho kudu kendo ngo i lwiny, kara kud ineg thala mir Israel.

2 Samwil 23:18

Man Abicai, m’umin Yoab, ma wod Zeruia, en e jadit mi juadekne. Man eting’o tong’ pare kum dhanu dak adek man enegogi, man ebedo ku nyinge i kind juadek maeno.

2 Samwil 8:16

Man Yoab ma wod Zeruia ebedo wi udul; man Yehocafat ma wod Ahilud en e jagorlemkei;

1 Ubimo 2:28

E rwonglembene bino ba Yoab; kum Yoab ulokre tok Adonija, kadok elokre tok Absalom ungo. Man Yoab uringo ba Hema pa Yehova, man emaku tung pemblam.

Zaburi 3:6

Lworo binega ngo kum dhanu rubanga apar Ma gikethri gigi i kuma gbur.

Jupoklembe 7:16

Man epoko dhanu dak adek ni ungu adek, man eketho agwara i cing’gi ceke kubang’gi kubang’gi, man cupa ma ie nanu, kud udok sengi yor i cupane.

Jupoklembe 7:19

Kum kumeno Gideon, ku dhanu dak acel ma ni karacelo kude, giwok i kajik mi kagonjo i thekri mi dier kur, ka gidaru wilo jukur: e gikudho agwara, man ginego cupa ma ni i cing’gi.

Jupoklembe 9:43

Man egamu dhanune, man epokogi ni ungu dhanu adek, e ekanu adhi i thim; man eneno, man, nen, dhanu wok woko kud i adhura; man eai i kumgi, e egoyogi.

1 Samwil 11:11

Man etimbre urwone nia Saul uketho dhanu ni ungu adek; man gibino i kind gonjo i kur mi kugweno, man gigoyo Juamoni cil ma ceng’ udoko ko lieth: man etimbre, nia ju m’udong’ julalugi, ketho nia kindgi moko mbe m’ubedo ario karacelo.