2 Samwil 18:18 - The Holy Bible In Alur (Lur) Revised Orthography

¹⁸ Nwang’u i kinde ma fodi Absalom ubedo kwo egamu man eting’o mbegi ire gire, ma ni i poga p’ubimo; kum ewacu kumae, Woda mbe ma bigwoko nyinga kara jupoi pira; man elwong’o mbegine calku nyinge gire; man julwong’e jampoi pa Absalom, cil i ceng’ maeni.

2 Samwil 18:18 ပူးပေါင်းရင်းမြစ်များ

Thangambere 11:4

Man giwacu kumae, Wubin, wagomu adhura iwa, man ot ma tek ma wiu, ma wie copo tundo kum polo, man dong’ watimu iwa nying’; wamaru lal mba mba wi wang’ ng’om ngung’.

Thangambere 11:9

Ka kumeno julwong’o nyinge Babel; kum keca Yehova loko ie dhok m’i ng’om ceke: man ku keca Yehova lalugi nge nge i wang’ ng’om ceke.

Thangambere 14:17

Man ubimo mi Sodom ucidho woko nirombo kude, yo ng’ei dwogo pare ku ba nek pa Kedorlaomer man ju m’ubimo ma gini kude, i poga mi Cave (ma en e Poga mir Ubimo).

2 Samwil 14:27

Man junyolo nyithindho ma co adek ni Absalom, man nyaku acel, ma nyinge Tamar: en e nyaku ma wang’e leng’.

Zaburi 109:13

Wek jukab nyikwaye woko; Wek nyinge kabre woko i kind dhanum’utuk ma cen.

Zaburi 49:11

Pidoic migi ma yor i igi en e nia udi migi bibedo mi nja, Man kabedo migi cil kum dhanum’utuk ceke; Gilwong’o ng’om migi ku nying’gi gigi.

Isaya 22:16

Itimo ang’o keni? man ibedo ku ng’a keni, ketho ipayu liel m’aroka iri keni? m’etong’o ire liel m’atong’a ku malu, m’ebeng’iko kabedo ire gire i cana!

Yeremia 22:30

Yehova wacu kumae, Wugor ng’atu maeni m’umbe nyathin, ng’atu ma lembe bibedo miero ire ngo i nindo pare; kum ng’atu moko mbe ma nyakware ma bibedo ku mierolembe kendo, ma bibedo wi komker pa Daudi, man ma bibimo i Yuda.

Daniel 4:30

Ubimo yero man ewacu kumae, Maeni Babeli ma dit ungo, m’agomo pi kabedo mi ker, ku tego mi tek para man ni yung mi dwong’ para?

Kitabu Mir Ang’wende Pa Musa Wel 32:42

Man Noba cidho man emaku Kenath, ku pacune, man elwong’e Noba, calu nyinge gire.

1 Samwil 15:12

Man Samwil uai malu pir kugweno kara eromb ku Saul kugweno; man juyero ni Samwil, juwacu kumae, Saul ubino Karmel, man, nen eketho ire jampoi ucungo, man elokre, e ekadhu, man eloro piny i Gilgal.