2 Samwil 17:11 - The Holy Bible In Alur (Lur) Revised Orthography

¹¹ Ento aporo lembe nia Israel ceke jucok karacelo i beng’i, ugambre Dan cil kum Ber-ceba, calu kwio ma dhu nam ni udul; man nia icidh in ku kiti i lwiny.

2 Samwil 17:11 ပူးပေါင်းရင်းမြစ်များ

Thangambere 13:16

Man abiketho nyikwei bedo calu utur m’i ng’om: kum kumeno tek ng’atu moko copo kwanu utur m’i ng’om, e nyikwei bende bikwandre.

Thangambere 21:14

Man Ibrahim uai malu pir kugweno, e egamu kwen ku cupa mi pi, man emie ni Hagar, ekethe wi goke de man emio nyathin ire, e eketho ecidho: man eai, man ewotho i yamba mi Ber-ceba.

Thangambere 22:17

kara i mio mugisa abin ami mugisa iri, man i medo de abin amed kodhini calu cero m’i polo, man calu kwio ma dhu nam; man kodhini bimwonyo dhugang’ pa jadegine;

2 Samwil 12:28

Ka kumeno kawono cok dong’ dhanu karacelo, man igonj kum adhurane e imake; amaru maku adhurane, man jumaru lwong’e ku nyinga.

2 Samwil 24:2

E ubimo wacu ni Yoab ma jego mir udul, ma gini kude, Wucidh kawono kun ku kun kind suru ceke mir Israel, ugambre Dan cil kum Ber-ceba, man wukwan dhanu, kara ang’ei wel dhanu.

2 Samwil 3:10

ya alok ker kud i ot pa Saul, man ating’ komker pa Daudi wi Israel man wi Yuda, ugambre Dan cil kum Ber-ceba.

1 Ubimo 20:10

Man Ben-hadad uoro kwenda i bang’e, man ewacu kumae, Mungu tim kumeno i bang’a, man mange bende, tek utur mi Samaria biromo pong’ cing’ dhanu ceke ma bilubo ng’eye.

1 Ubimo 4:20

Yuda man Israel gi dupa calu kwio ma dhu nam ni udulgi, ma gibecamu gibemadhu de man gibetimo mutoro.

Zaburi 9:16

Yehova ketho jung’eye, etimo lembapoka: Jumaku jadubo kum tic mi cinge gire. [Higaion. Sela.

Yocuwa 11:4

Man gicidho woko, gin kud udul migi ceke karacelo kugi, dhanu dupa, cil calu kwio ma dhu nam ni udulgi, karacelo ku riuni man magali dupa dupa.

Jupoklembe 20:1

Nyithindho mir Israel ceke gilund giwok woko, man udul dhanu cokri calu ng’atu acel, ugambre Dan cil Ber-ceba, karacelo ku ng’om Gilead, ba Yehova i Mizpa.

1 Samwil 13:5

Man Jufilisti gicokri gigi karacelo kara gikied kud Israel, magali rubanga pier adek, man weg riuni rubanga abusiel, man dhanu calu kwio ma dhu nam ni udulgi: e giidho malu, man gigonjo i Mikmac, yo nyangu ni Beth-aven.

1 Samwil 3:20

Man Israel ceke ugambre Dan cil Ber-ceba ging’eyo nia juketho Samwil ubed jabila pa Yehova.