2 Samwil 16:9 - The Holy Bible In Alur (Lur) Revised Orthography

⁹ Abicai ma wod Zeruia lund uwacu ni ubimo kumae, Nedi avuj gwok maeni belamu rwoth para m’ubimo? akwei, wek akadh lokaca, man athum wie woko.

2 Samwil 16:9 ပူးပေါင်းရင်းမြစ်များ

2 Samwil 19:21

Ento Abicai ma wod Zeruia loko lembe man ewacu kumae, Jubinego Cimei ngo pi maeni, kum elamu ng’atu ma Yehova wiro?

2 Samwil 19:22

E Daudi wacu kumae, Wabedo ku lembang’o wakudu, wu wot Zeruia, ma nia wubed judegina tini? jubiketho ng’atu moko tho tin i kind Israeli? kum ang’eyo ngo tin nia an a ubimo wi Israeli?

2 Samwil 3:30

Kum kumeno Yoab kud Abicai m’umin mire ginego Abner, kum enego umeggi ma Asahel i Gibeon i lwiny.

2 Samwil 3:8

E kwinyo ma dit ulund unego Abner kum lembe pa Ic-boceth, man ewacu kumae, An a wi gwoki ma piny pa Yuda? Tinuni anyutho bero kum ot pa Saul ma wuru, kum utumin mire, man kum jurimbe, man amii ngo i cing’ Daudi; ento iting’o lembe i kuma i ceng’ maeni pi dhaku maeni.

2 Samwil 9:8

Man erwo, ewacu de kumae, Jatic peri en e ang’o, ma nia inen wi wadi avuj gwok ma calu ani?

Ai 22:28

Kud icid Mungu, kadi kud ilam jabim mi juthu.

Luka 9:54

Ka julubne Yakobo ku Yohana gineno maeni, giwacu kumae, Rwoth, iyenyo walwong’ mac uai i polo lor piny, uwang’gi?

Tic Mi Jukwenda 23:5

E Paolo wacu kumae, Ang’eyo ngo, umego, nia en e jalam ma dit: kum egore kumae, Kud iyer lem marac kum jabim mi juthu.

1 Petro 2:17

Wuyung dhanu ceke. Wumar umego. Wulwor Mungu. Wuyung ubimo.

1 Samwil 24:14

Ubimo mir Israel ulubo tok ng’a? iberiemo tok ng’a? tok gwok m’utho, tok kukun.