2 Samwil 16:2 - The Holy Bible In Alur (Lur) Revised Orthography

² Man ubimo wacu ni Ziba kumae, Thelembe m’ikelo kume maeni ang’o? Man Ziba wacu kumae, Kana gi mi juot p’ubimo giwoth i wie; man kwen m’ang’ina ku nying’ yen mi cwir gi mir awobi ma gicam; man pigulok, nia wagi ju ma givoc i langa gicopo madhu.

2 Samwil 16:2 ပူးပေါင်းရင်းမြစ်များ

Thangambere 21:29

Man Abimelek uwacu ni Ibrahim kumae, Thelembe mi vong’ rombe abiro m’iketho cen maeni ang’o?

Thangambere 33:8

Man ewacu kumae, Itimo ang’o kud ungu maeni ceke m’arombo kudo? Man ewacu kara anwang’ bero i wang’ rwoth para.

2 Samwil 15:1

Man etimbre yo ng’ei maeni, nia Absalom uyiko ire magali ku riuni, ku dhanu pier abic m’uring i wang’e.

2 Samwil 15:23

E ng’om ceke ywak ku dwal ma tek, man dhanu ceke kadhu lokaca: ubimone bende kadhu kulo Kibron, man dhanu ceke gikadhu lokaca, yor i langa.

2 Samwil 17:29

man kic, ku mo dhiang’, ku rombe, ku cam ma jutimo ku cak mi dhok, ni Daudi, man ni dhanu ma gini kude, kara gicam: kum giwacu kumae, Kec unego dhanune, man giol, rieu pi de negogi, i langa.

2 Samwil 19:26

Man eloko lembe kumae, Rwoth para, e ubimo, jatic para bomba: kum jatic peri wacu kumae, Abiyiko jamb woth ira wi kana, kara awoth i wie, man wacidh kud ubimo; kum jatic peri en e won abala.

Ezekiel 37:18

Man kinde ma nyithindho mi juthu biweco i beng’i, biwacu kumae, Ibinyutho iwa thelembe mi gin maeni ngo?

Jupoklembe 10:4

Man ebedo ku wote pier adek, ma giwotho ku wi nyithi kana pier adek e gibedo kud adhura pier adek, ma julwong’o Havoth-yair cil i ceng’ maeni, ma gini i ng’om Gilead.

Jupoklembe 5:10

Yer pire, wu ju m’uwotho ku wi kana ma tar, Wun ma wubedo wi bongu ma ng’ieune tek, Man wun ma wuwotho dhu yo.

1 Samwil 14:28

Ng’atu acel m’i Idnd dhanu ulund uloko lembe, man ewacu kumae, Wuru ng’olo ni dhanu ngili ngili ku kwong’, ewacu kumae, Kwong’ ubed wi ng’atu m’ucamu cemo i ceng’ maeni. E dhanu givoc.

1 Samwil 25:27

Man kawono giramia maeni ma jatic peri kelo ba rwoth para, wek jumie ni awobi m’ulubo rwoth para.