2 Samwil 16:16 - The Holy Bible In Alur (Lur) Revised Orthography

¹⁶ Man etimbre, kinde ma Hucai ma Jaarki, ma jarimb Daudi, ubino bang’ Absalom, nia Hucai wacu ni Absalom kumae, Ubimo bed hai, Ubimo bed hai.

2 Samwil 16:16 ပူးပေါင်းရင်းမြစ်များ

2 Samwil 15:32

Man etimbre, nia, kinde ma Daudi wok i ka m’aidha ka ma jurwo ie ni Mungu, nen, Hucai ma Jaarki bino rombo kude ku kanzu pare m’uyec, ku ng’om de i wie.

2 Samwil 15:34

ento tek idok i adhura, man iwac ni Absalom kumae, Abibedo jatic peri, E ubimo; calu abedo jatic pa wuru i nindo m’ukadhu, e kumeno abibedo jatic peri kawono; e ibilund nyotho lembapora pa Ahithofel ira.

2 Samwil 15:37

Kum kumeno Hucai, ma jarimb Daudi, ubino i adhura; man Absalom ubino i Yerusalem.

1 Ubimo 1:25

Kum eloro piny tinuni, man enego koni dhiang’ ku lim ma ful ful ku rombe dupa, man elwong’o wot ubimo ceke, ku jego mir udul, man Abiathar ma jalam; man, nen, gibecamu gibemadhu de i wang’e, man giwacu kumae, Ubimo ma Adonija bed kwo hai,

1 Ubimo 1:34

man wek Zadok ma jalam ku Nathan ma jabila giwire keca ni ubimo wi Israel; e wukudh agwara, man wuwac kumae, Ubimo Suleman ubed kwo hai.

1 Ubimo 4:5

man Azaria ma wod Nathan en e wi jego; man Zabud ma wod Nathan en e jatim ma jadit, man jarimb ubimo;

2 Ubimo 11:12

Elund ewodho wod ubimo, man eketho jamkermiwic i wie, emio ire lembatuca de; e gikethe ni ubimo, man giwire; man giteng’o cing’gi, giwacu de kumae, Ubimo bed hai.

Daniel 2:4

Jukaldayo gilund giyero ni ubimo ku dhu Cami kumae, E ubimo, bed nja: yer lekne ni jutic peri, man wabituco there.

Daniel 5:10

Nie min ubimo mondo i ot cemo ni kum lembe p’ubimo ku judongo pare: min ubimo yero man ewacu kumae, E ubimo, bed rondo ku rondo; kud iyi pidoii ng’abre, man kud iyi weng’i lokre.

Daniel 6:21

Daniel ulund uwacu ni ubimo kumae, E ubimo, bed rondo ku rondo.

Daniel 6:6

Judongo maeno ku jubim maeno gilund gicoko dhoggi karacelo bang’ ubimo, man giwacu ire kumae, Ubimo Dario, bed nja.

Matayo 21:9

E udul dhanu ma wi piro, ku ju m’udong’ cen de, gikok, giwacu kumae, Hosana ni wod Daudi: mugisa ni ng’atu m’ubino ku nying’ Rwoth; Hosana ma malu ngbir.

1 Samwil 10:24

E Samwil uwacu ni dhanu ceke kumae, Wuneno ng’atu ma Yehova goyo wie, nia ng’atu moko mbe ma calu en i kind dhanu ceke? E dhanu ceke gigoyo muzira, man giwacu kumae, Dong’ ubimo ubed hai.