2 Samwil 16:11 - The Holy Bible In Alur (Lur) Revised Orthography

¹¹ Man Daudi wacu ni Abicai, man ni jutic pare ceke kumae, Nen, woda, m’uai i ia, ebeyenyo kwo para: e ka Jabenyamini ke kawono bitimo kani? weke, wek elam; kum Yehova ng’olo ire.

2 Samwil 16:11 ပူးပေါင်းရင်းမြစ်များ

Thangambere 15:4

Man, nen, lembe pa Yehova bino i bang’e, m’uwacu kumae, Ng’atu maeni bibedo jacampacu peri ngo; ento ng’atu ma biai ii e ma bibedo jacampacu peri.

Thangambere 45:5

Man kawono can kud unegwu, kadi ng’ecwiny de kud unegwu i kumwu giwu, nia wung’iewa keni: kum Mungu ora i weng’wu kara agwok kwo.

2 Samwil 20:1

Man lembe podho nia ng’atu ma rac ni keca, ma nyinge Ceba, ma wod Bikri, ma Jabenyamini: e ekudho agwara, man ewacu kumae, Ka mwa mbe ba Daudi, kadok aba de mbe kudwa ba wod Yese: dhanu ceke kubang’gi kubang’gi ng’atuman udok i hema pare, E Israel.

2 Samwil 7:2

nia ubimo wacu ni Nathan ma jabila kumae, Nen kawono, abedo i ot mi yen musonge, ento sanduk pa Mungu bedo i kusika mi bongu.

2 Ubimo 19:37

Man etimbre, kinde m’eberwo i ot pa Nisrok ma mungu pare, nia Adramelek ku Carezer gigoye ku palamularu: man giboth i ng’om Ararat. Man Esarhadon ma wode camu ker kakare.

2 Lemkei 32:21

E Yehova oro malaika, man ejigo wi dhanu ma tek ceke ma jurukara, ku jutelwic man jego, i kagonjo p’ubimo mir Ascur. Kum kumeno edok ku lewic mi wang’ i ng’om pare ma dhe. Man kan emondo i ot pa mungu pare, e ju ma giai kud i ie gire ginege keca ku palamularu.

Zaburi 109:28

Wek gikwong’, ento imi mugisa: Kinde ma giai, lewic bimakugi, Ento anyong’a binego jatic peri.

Ezekiel 14:9

Man tek jubombo jabilane man eyero lembe, an a Yehova, abombo jabila maeno, man abirieyo cinga i kume, man abinyothe kud i kind dhanu para Israel.

Ezekiel 20:25

Mange ke amio igi cik bende ma ber ungo, man lembapoka ma maku ku gibed kwo i ie;

Matayo 10:21

Umego de biting’o umin wang’ tho, won nyathin de biting’o nyathi pare: nyithindho de gibijai kum junyodo migi, e gibiketho juneggi.

1 Samwil 26:19

Ka kumeno kawono, akwei, wek rwoth para m’ubimo winj lembe pa jatic pare. Tek en e Yehova m’unyayu lembe ii i kuma, wek ejol girathiera: ento tek en e nyithindho mi dhanu, kwong’ ubed i wigi i wang’ Yehova; kum giriema woko i ceng’ maeni kara kud amok kum aba pa Yehova, giwacu kumae, Cidhi, tim ni mungu mange.