2 Samwil 16:10 - The Holy Bible In Alur (Lur) Revised Orthography

¹⁰ Man ubimo wacu kumae, Wabedo ku lembang’o wakudu, wu wot Zeruia? Kum elamu, man kum Yehova wacu ire kumae, Lam Daudi; ng’a ma bilund wacu kumae, Nedi itimo kumeno?

2 Samwil 16:10 ပူးပေါင်းရင်းမြစ်များ

Thangambere 50:20

Man wun, wupido lembe rac i kuma; ento Mungu pido lembene mi ber, kara uketh etimbre, calu ebedo i ceng’ maeni, kara ubodh dhanu dupa gibed kwo.

2 Samwil 19:22

E Daudi wacu kumae, Wabedo ku lembang’o wakudu, wu wot Zeruia, ma nia wubed judegina tini? jubiketho ng’atu moko tho tin i kind Israeli? kum ang’eyo ngo tin nia an a ubimo wi Israeli?

2 Samwil 19:23

Man ubimo wacu ni Cimei kumae, Ibitho ngo. Man ubimo kwong’o ire.

2 Samwil 3:39

Man abedo ng’ic i ceng’ maeni, kadok juwira ni ubimo; e dhanu maeni ma gi wot Zeruia gi tek ira m’usagu: Yehova cul kum jatic rac calku dubo pare.

1 Ubimo 17:18

Man ewacu ni Elia kumae, Wabedo ku lembang’o wakudi, E in m’i dhanu pa Mungu? ibino i bang’a kara jupoi kum dubo para, man kara ineg woda!

1 Ubimo 2:5

Mange ke ing’eyo gin ma Yoab ma wod Zeruia timo i bang’a bende, gin m’etimo kum jego ario mir udul Israel, kum Abner ma wod Ner, man kum Amasa ma wod Yether, m’enego, man ecwiro rimo mir ali i nindo mi kwiocwiny, man eketho rimo mir ali wi thond piere m’ubedo i piere, man i wara pare m’eronyo i tiende.

2 Ubimo 18:25

Kawono aidho malu kum ka maeni ma Yehova mbe kude kara anyothe? Yehova wacu ira kumae, Idh malu kum ng’om maeni, man inyothe.

Kitabu Pa Yob 9:12

Nen, emaku ayeki, ng’a ma copo cere? Ng’a ma biwacu ire kumae, Itimo ang’o?

Zaburi 39:9

Abedo ling’ aalu dhoga ngo; Kum itimo maeni.

Eklizia 8:4

Kum lembe p’ubimo bedo ku tego; man ng’a ma copo wacu ire kumae, Itimo ang’o?

Ywak 3:37

Ng’a m’uwacu, man etimbre kakare, ma Rwoth kung’olo re ngo?

Daniel 4:35

man dhanu ceke m’ubedo wi ng’om jukwanugi calu gin moko ngo; man etimo calu ie yenyo i udul m’i polo, man kind ju m’ubedo i ng’om; man ng’atu moko mbe ma copo cero cinge, kadi ma wacu ire kumae, Itimo ang’o?

Matayo 16:23

Ento elokre, man ewacu ni Petro kumae, Kadh i ng’eya, Jok: kum ibedo ni cudho mi kier ira: kum ii pido pi gin pa Mungu ngo, ento gin mi dhanu re.

Matayo 8:29

Man nen, gikok akoka, giwacu kumae, Wabedo kud ang’o wakudu, in i Wod Mungu? ibino kuni nisendowa ma fodi kanindone kutundo ngo?

Yohana 18:11

Ka kumeno Yesu wacu ni Petro kumae, Roi palamularu i ukorone: kikombe ma Wego mio ira ni, kud amadhi?

Jurumi 9:20

Ungo endre, E dhanu, in i ng’a m’idwoko wang’ lembe ni Mungu e? Gin m’ucwire biwacu ni ng’atu m’ucwie kumae, Nedi icwia kumeni?

1 Petro 2:23

ma, ka jucaye edwoko wang’ cac de ngo; kan esendre, ecimo cim ungo; ento emire gire ni ng’atu m’upoko lembe pwe:

1 Samwil 26:19

Ka kumeno kawono, akwei, wek rwoth para m’ubimo winj lembe pa jatic pare. Tek en e Yehova m’unyayu lembe ii i kuma, wek ejol girathiera: ento tek en e nyithindho mi dhanu, kwong’ ubed i wigi i wang’ Yehova; kum giriema woko i ceng’ maeni kara kud amok kum aba pa Yehova, giwacu kumae, Cidhi, tim ni mungu mange.