2 Samwil 15:30 - The Holy Bible In Alur (Lur) Revised Orthography

³⁰ Man Daudi idho malu ku yo kum ka m’aidha mi got Zeituni, man ewotho ku ywak; man wie bedo auma, man ewotho ma wara mbe: e dhanu ceke ma gini karacelo kude giumo wigi kubang’gi kubang’gi, man giidho malu, e giwotho ku ywak.

2 Samwil 15:30 ပူးပေါင်းရင်းမြစ်များ

2 Samwil 15:29

Ka kumeno Zadok gikud Abiathar giyeyo sanduk pa Mungu gidwoko i Yerusalem: e girio keca.

2 Samwil 19:4

E ubimo umo wang’e, man ubimo ywak ku dwande ma tek kumae, E woda Absalom, E Absalom, woda, woda!

2 Samwil 19:5

Man Yoab umondo i ot bang’ ubimo, e ewacu kumae, Inyayu lewic tin i wang’ jutic peri ceke, ma gibodho kwo peri tin, ku kwo mi woti ku mi nyigi, man kwo mi mon peri, man kwo mi mon peri m’araga,

Ester 6:12

E Mordekai bino kendo dhugang’ p’ubimo. Ento Haman udok i ot pare pio, ku ywak, ku wie m’ubedo auma.

Zaburi 42:3

Piwang’a bedo ni cemo para dieceng’ ku diewor, Kinde ma giwacu ira thiri thiri kumae, Mungu peri ni kani?

Zaburi 43:5

Nedi ipodho, E ng’eyong’ec para? Man nedi can unegi i ia? Gen Mungu; kum fodi abipake, Ma en e kony mi wang’a, man Munguna.

Ezekiel 24:17

Gam cwinyi, ento ling’ ling’, kud itim ywak pi ng’atu m’utho; twi jamtwic peri m’i wie i wii, man iroi wara peri i tiendi man kud ium dendhogi, man kud icam kwen mi dhanu.

Ezekiel 24:23

Man jamtwic m’i wie mu bibedo i wiwu, wara mu de wi tiendwu: wubigoyo nduru ngo kadi ywak de; ento cwinywu bing’abre i kier mu, man wubicur acura man ku wadi man ku wadi.

Zekaria 14:4

E tiende bicungo i ceng’ maeca wi got Zeituni, ma eni i wang’ Yerusalem ma yo nyangu; e got Zeituni bikak i diere yo nyangu man yo reto, man poga ma dit bibedo nuti; man ng’et got bicoro yor ariwa ma malu, man ng’ete yor ariwa ma yo piny.

Matayo 5:4

Mugisa ni ju ma can unegogi: kum gibijukri.

Luka 19:29

Man etimbre, kan edhingo ceng’ni Bethfage ku Bethania, ba got ma julwong’o Zeituni, eoro julubne ario,

Luka 19:37

Man kan edhingo, ka ma lung’ mi got Zeituni, udul julubne ceke anyong’a maku negogi man gipaku Mungu ku dwal ma tek kum tic mi tego ceke ma gineno;

Luka 19:41

E kan edhingo ceng’ni, eneno adhura eywak de i kume,

Luka 21:37

E ku ba ceng’ ceke eponjo i hekalu; man ku ba diewor ceke ecidho woko, man egonjo wi got ma julwong’o Zeituni.

Luka 22:39

Man ewok woko, ecidho de, wi got Zeituni, calu kura pare; e julubne bende gilubo ng’eye.

Tic Mi Jukwenda 1:12

Gilund gidok Yerusalem ma giai ko wi got Zeituni, m’e kago ku Yerusalem, woth ma juwotho ko mi ceng’ sabatu.

Jurumi 12:15

Anyong’a negwu ku ju ma anyong’a negogi; wuywak ku ju m’uywak.

1 Jukorinto 12:26

Man tek wathkum acel ubesendre, wathkum ceke gisendri karacelo gikude; kadi tek juyungo wathkum acel, wathkum ceke anyong’a negogi gikude.