2 Samwil 15:23 - The Holy Bible In Alur (Lur) Revised Orthography

²³ E ng’om ceke ywak ku dwal ma tek, man dhanu ceke kadhu lokaca: ubimone bende kadhu kulo Kibron, man dhanu ceke gikadhu lokaca, yor i langa.

2 Samwil 15:23 ပူးပေါင်းရင်းမြစ်များ

2 Samwil 16:2

Man ubimo wacu ni Ziba kumae, Thelembe m’ikelo kume maeni ang’o? Man Ziba wacu kumae, Kana gi mi juot p’ubimo giwoth i wie; man kwen m’ang’ina ku nying’ yen mi cwir gi mir awobi ma gicam; man pigulok, nia wagi ju ma givoc i langa gicopo madhu.

Yohana 18:1

Ka Yesu daru yero lembe maeni ecidho ku julubne loka kulo Kedron, ka ma podho ni i ie, m’emondo i ie, en ku julubne.

1 Ubimo 2:37

Kum i ceng’ m’iwok woko, man ikadhu loka kulo Kidron, dong’ ing’ei andha nia ibitho andha: rimo peri de bibedo i wii giri.

Jurumi 12:15

Anyong’a negwu ku ju ma anyong’a negogi; wuywak ku ju m’uywak.

Luka 1:80

Nyathin udongo, cwinye de doko tek, ebedo i yamba de cil i ceng’ m’enyuthre ie ni Israel.

Matayo 3:3

Kum maeni en e ng’atu ma Isaya ma jabila yero pire ewacu kumae, Dwand ng’atu acel m’ukok akoka i yamba, Wuyik yo pa Rwoth, Wudwok yo pare atira.

Matayo 3:1

Man ceng’ maeno Yohana ma Jabaputisi bino, ku yero i yamba mi Yahudi, ewacu kumae,

2 Lemkei 29:16

Man julam gimondo i ng’et ot pa Yehova ma yor i ie, kara gidwoke leng’, e giwodho susu ceke woko ma ginwang’u i hekalu pa Yehova i lelagang’ mi ot pa Yehova. E Julawi gigame, gikabe woko gitere i kulo Kidron.

1 Ubimo 15:13

Man Maka bende ma min mire, ekabu kud ebed ubimo ma dhaku, kum etimo ayi m’acwia ma ginmajudagu ni mungu m’araga; e Asa tong’o ayi m’acwia pare piny, man ewang’e dhu kulo Kidron.

2 Samwil 15:22

Man Daudi wacu ni Itai kumae, Cidhi man ikadh lokaca. E Itai ma Jagiti kadhu lokaca, ku dhanu pare ceke, ku nyithindho ceke ma gini kude.

2 Samwil 15:28

Nen, abikorio tundu i dhu kakadhu m’i langa, maram lembe m’uai i beng’wu bidwoka ko tek.

Yeremia 31:40

Man poga ceke mir avu man mi vuru, ku pothi ceke cil kum kulo Kidron, cil kum gui mi dhugang’ mi riuni ma yo nyangu, bibedo leng’ ni Yehova; jubifudhe ngo, kadi jubiredhe kendo de ngo mi nja.