2 Samwil 15:2 - The Holy Bible In Alur (Lur) Revised Orthography

² Man Absalom uai pir kugweno, man ecungo ng’et yo mi dhugang’: man ebedo, nia, kinde ma ng’atu moko bedo ku lem titi ma maku ubin bang’ ubimo upok lembene, e Absalom lwong’e, man ewacu kumae, Iai i adhura ma kani? Man ewacu kumae, Jatic peri ai i adhura moko mi suru mir Israel.

2 Samwil 15:2 ပူးပေါင်းရင်းမြစ်များ

Thangambere 34:20

Man Hamor giku Cekem ma wode gibino ba dhugang’ mir adhura migi, e giweco ku dhanu mir adhura migi, giwacu kumae,

2 Samwil 19:8

Ubimo lund uai malu, man ebedo i dhugang’. Man giyero ni dhanu ceke, giwacu kumae, Nen, ubimo bedo dhugang’: e dhanu ceke gibino i wang’ ubimo. Nwang’u Israel uringo ku ba dhanu ceke ng’atuman ba hema pare.

2 Lemkei 10:7

E giyero ire, giwacu kumae, Tek itimo ber ba dhanu maeni, man inyayu mutoro i igi, man iyero lembe ma ber i bang’gi, gibilund bedo jutic peri mi nja.

Kitabu Pa Yob 24:14

Janek ai ku der; Enego jacan ku jacanpiny; Man ku diewor en e calu jakwo.

Ai 18:14

E kinde ma jalkwaru Musa neno gin ceke m’etimo ni dhanu, ewacu kumae, Maeni lembang’o m’itimo ni dhanu? nedi ibedo i kendi, man dhanu ceke gicungo i vuti ugambre kugweno cil uthieno?

Ai 18:16

kinde ma gibedo ku lembe gibino i bang’a; man apoko lembe i kind dhanu ku jadhugola pare, man aketho ging’ei lembang’ola pa Mungu, ku cik pare.

Ai 18:26

E gipoko lembe mi dhanu i nindo ceke: lembe ma tek gikelo ba Musa, ento ku ba lembe ceke ma thindho gipoko gigi.

Lembrieko 4:16

Kum ginindo ngo, tek gitimo rac ungo; E nindo lal i wang’gi, tek gikuketho jumoko podho ngo.

Daniel 11:21

Man ng’atu acel m’uromo ku cac bicungo i kakare, ma gimio yung mi ker ire ngo: ento ebibino i nindo mi kwiocwiny, man ebinwang’u ker ku dhoge ma mit.

Matayo 27:1

Nie kinde ma piny uru, julam ma dongo ceke ku judongo mi dhanu de giporo lembe kum Yesu kara ginege:

Poi Mi Cik 17:8

Tek lembe wok ma tek ma segi i pokolembe, i kind rimo ku rimo, i kind lembe ku lembe, man i kind dul ku dul, ma gi lembe mi piem yor i dhugang’ peri; ilund iai, man icidh i ka ma Yehova Mungu peri bigoyo wie;

Ruth 4:1

Nie Boaz uidho malu dhugang’ mir adhurane, man ebedo piny keca: man, nen, wat ma ceng’ni ma Boaz uyero pire kadhu; ewacu ire kumae, In e! bin kue, bed piny keni. E elokre cen, man ebedo piny.