2 Samwil 15:10 - The Holy Bible In Alur (Lur) Revised Orthography

¹⁰ Ento Absalom uoro julib i suru mir Israel ceke mba mba, ewacu kumae, Tek wuwinjo badwal mir agwara, wubilund wacu kumae, Absalom en e ubimo i Hebron.

2 Samwil 15:10 ပူးပေါင်းရင်းမြစ်များ

2 Samwil 13:28

Man Absalom ung’olo ni jutic pare, ewacu kumae, Wunen kawono, kinde ma pigulok umero adunde Amnon; man kinde m’awacu iwu kumae, Goi Amnon, e wunege; lworo kud unegwu; ang’olo iwu ngo? wubed ku tegocwiny, man wubed jiurukara.

2 Samwil 14:30

Ka kumeno ewacu ni jutic pare kumae, Wunen, podho pa Yoab ni i ng’et para, man nganu ni i ie keca; wucidh wucwinye ku mac. Man jutic pa Absalom gicwinyo podhone ku mac.

2 Samwil 15:9

E ubimo wacu ire kumae, Cidh ma cwinyi kwio. Kum kumeno eai, man ecidho Hebron.

2 Samwil 19:10

Man Absalom, ma wawiro i wiwa, etho i lwiny. Ka kumeno kawono nedi wukwero yero lembe mi gamu ubimo kendo?

2 Samwil 2:1

Man etimbre yo ng’ei maeni, nia Daudi penjo ba Yehova, ewacu kumae, Abiidho malu i adhura moko mi Yuda? E Yehova wacu ire kumae, Idh malu. Man Daudi wacu kumae, Abiidho malu kakani? Man ewacu kumae, I Hebron.

2 Samwil 2:11

Man nindo ma Daudi bedo ie ni ubimo i Hebron wi juot pa Yuda en e rundi abiro ku dwi abusiel.

2 Samwil 5:5

Ecamu ker wi Yuda rundi abiro ku dwi abusiel; man ecamu ker i Yerusalem rundi pier adek wi adek wi Israel ceke ku Yuda.

1 Ubimo 1:11

Nathan ulund uyero ni Bath-ceba ma min Suleman, ewacu kumae, Iwinjo ngo nia Adonija ma wod Hagith ubecamu keri, man Daudi ma rwoth mwa ng’eyo maeni ngo?

1 Ubimo 1:34

man wek Zadok ma jalam ku Nathan ma jabila giwire keca ni ubimo wi Israel; e wukudh agwara, man wuwac kumae, Ubimo Suleman ubed kwo hai.

2 Ubimo 9:13

Gilund gitimo pio, man ku ba dhanu ceke ng’atuman uting’o kendi pare, man gikethe i there i wi ka ma juidho ko malu, e gikudho agwara, giwacu kumae, Yehu en e ubimo.

I Lemkei 11:3

Ka kumeno judongo mir Israel ceke gibino bang’ ubimo i Hebron; man Daudi timo lembariba kugi i Hebron i wang’ Yehova; e gikonjo mo wi Daudi gikethe ko ni ubimo wi Israel, calku lembe pa Yehova ku dhu Samwil.

I Lemkei 12:23

Man maeni wel mi wi ju ma weg jamtho mir ali, m’ubino ba Daudi i Hebron, kara gilok ire ker pa Saul, calku lembe pa Yehova.

I Lemkei 12:38

Maeni ceke, ma dhanu mir ali, ma copo thero lwiny, gibino kud adundegi ma cu i Hebron, kara giketh Daudi ni ubimo wi Israel ceke: man dong Israel ceke bende gibedo kud adundegi acel mi ketho Daudi ni ubimo.