2 Samwil 13:9 - The Holy Bible In Alur (Lur) Revised Orthography

⁹ Man eting’o jamni, e etokogi i wang’e; ento ekwero camu. Man Amnon uwacu kumae, Lal co ceke kud i kuma. Man gilal kubang’gi kubang’gi kud i kume.

2 Samwil 13:9 ပူးပေါင်းရင်းမြစ်များ

Thangambere 45:1

E Yusuf copo kayu cwinye ngo i wang’ dhanu ceke ma gicungo i vute; man ekok kumae, Keth dhanu ceke kubang’gi kubang’gi giai woko i vuta. E ng’atu moko mbe m’ucungo kude, kinde ma Yusuf utucre gire ni utumin mire.

2 Samwil 13:10

Man Amnon uwacu ni Tamar kumae, Kel cemone i kusika, kara acame kud i cingi. Man Tamar uting’o kwen m’apadane m’etimo, ekelogi de i kusika bang’ Amnon m’umin mire.

2 Samwil 13:8

Kum kumeno Tamar ucidho i ot pa Amnon m’umin mire; man evuto avuta. Man eting’o kwen, emiene de, e etimo kwen m’apada i wang’e, man etedo kwen m’apadane.

Yohana 3:20

Kum dhanu ceke kubang’gi ma gitimo rac gidagu der, gibino de ngo ba der, kara kujujuke kum tic pare.

Jupoklembe 3:19

Ento en gire elokre ku ba katong’okidi ma ceng’ni Gilgal, man ewacu kumae, Abedo ku nyalembe moko ma nyalwe iri, E ubimo. Man ewacu kumae, Wuling’. E dhanu ceke m’ucungo i vute giai woko kud i kume.