2 Samwil 13:21 - The Holy Bible In Alur (Lur) Revised Orthography

²¹ Ento ka Daudi m’ubimo winjo pi gin maeni ceke, kwinyo ma dit unege.

2 Samwil 13:21 ပူးပေါင်းရင်းမြစ်များ

Thangambere 34:7

Man wot Yakobo giai kud i thim kinde ma giwinjo: e can umaku dhanune, man kwinyo ma dit umakugi, kum etimo kasegu i Israel i vuto m’evuto ko ku nya Yakobo; ma ginduni maku kud etimbre.

Zaburi 101:8

Ku ba rupiny ku ba rupiny abinyotho judubo ceke mi ng’om; Kara akab jutim kier ceke woko ku bang’ adhura pa Yehova.

2 Samwil 12:10

Ka kumeno kawono palamularu biweko ot peri ki ngo, kum icaya, man igamu dhaku p’Uria ma Jahiti ubed dhaku peri.

2 Samwil 12:5

E ng’ecwiny pa Daudi opo dit kum ng’atuno; man ewacu ni Nathan kumae, Calu Yehova bedo kwo, ng’atu m’utimo maeno eromo ku tho:

1 Samwil 2:29

Pirang’o wucwanyu lam para man girathiera para, m’ang’olo i kabedo para, man iyungo woti ma sagu ali, kara wucweru giwu ku girathiera ceke ma cu mi dhanu para Israeli?

2 Samwil 13:20

Man Absalom m’umin mire wacu ire kumae, Amnon m’umeru udubi? ento kawono twi cwinyi, nyamira: en e umeru; kud iyi lembe maeni dieng’ cwinyi. Kum kumeno Tamar ubedo i ot p’umin ma Absalom ma wang’e bedo lic.

2 Samwil 13:22

Man Absalom uyero lembe moko ngo ni Amnon ma rac kadi ma ber de; kum Absalom udagu Amnon, kum edubo Tamar ma nyamin mire.

Thangambere 35:22

Man etimbre, kinde ma Israel ubedo i ng’om maeno, nia Ruben ucidho man evuto ku Bilha ma dhaku m’araga pa won: man Israel uwinjo pire. Nie wot Yakobo gin apar wi ario: