2 Samwil 13:19 - The Holy Bible In Alur (Lur) Revised Orthography

¹⁹ Man Tamar uketho vuru i wie, eyeco kendi pare de ma kite tung’ tung’ ma ni i kume; man egwaku wie ku cinge, man ecidho i yo pare, m’ewotho kuywak ma tek.

2 Samwil 13:19 ပူးပေါင်းရင်းမြစ်များ

Yeremia 2:37

Ku kuca bende ibiwok woko, ku cingi i wii: kum Yehova kwero ju m’igeno, man lembe peri bibedo miero kugi ngo.

Yocuwa 7:6

E Yocuwa yeco kendi pare, man epodho arieba wang’e i ng’om i wang’ sanduk pa Yehova maram uthieno wok ko, en ku judongo mir Israel; man giketho utur i wigi.

2 Samwil 1:11

Daudi lund umaku kendi pare, man eyeco; man dhanu ceke ma gini karacelo kude bende kumeca:

2 Samwil 1:2

etimbre i ceng’ mir adege, nia, nen, ng’atu acel uai ba Saul i kagonjo, ku kendi pare m’uyec, man ku ng’om i wie: man ebedo kumeno, kinde m’ebino ba Daudi, nia epodho i ng’om, man erwo.

Kitabu Pa Yob 42:6

Kum kumeno adagra gira, Man aloko cwinya i utur man vuru.

Kitabu Pa Yob 2:12

E kinde ma giting’o wang’gi malu ku bor cen, man ging’eye ngo, giting’o dwandgi malu, e giywak; man kubang’gi kubang’gi ng’atuman uyeco kanzu pare, e gikiro utur yor i polo i wigi.

Ester 4:1

Nie ka Mordekai ng’eyo gin ceke m’utimbre, Mordekai yeco kendi pare, man eronyo usuba ku vuru, e ecidho woko i dier adhura, man eywak ku ywak ma dit man mi can;

1 Samwil 4:12

E ng’atu acel pa Benyamin uai kud i njuru asikari, man ebino i Cilo ceng’ nino, ku kendi pare m’uyec, man ku ng’om i wie.

Thangambere 37:29

Man Ruben udwogo ba vur; man, nen, Yusuf umbe i vuje; e eyeco kendi pare.

2 Samwil 13:20

Man Absalom m’umin mire wacu ire kumae, Amnon m’umeru udubi? ento kawono twi cwinyi, nyamira: en e umeru; kud iyi lembe maeni dieng’ cwinyi. Kum kumeno Tamar ubedo i ot p’umin ma Absalom ma wang’e bedo lic.