2 Samwil 12:9 - The Holy Bible In Alur (Lur) Revised Orthography

⁹ Icayu lembe pa Yehova nedi, kutimo gin maeni ma rac i wang’e? igoyo Uria ma Jahiti ku palamularu, man igamu dhaku pare ubed dhaku peri, man inege ku palamularu ku yo ba nyithindho mir Amon.

2 Samwil 12:9 ပူးပေါင်းရင်းမြစ်များ

2 Samwil 11:4

E Daudi oro jukwenda, man gigame; man ebino i bang’e, e evuto kude (kum ebedo leng’ kum cilo pare); e edok i ot pare.

2 Samwil 12:10

Ka kumeno kawono palamularu biweko ot peri ki ngo, kum icaya, man igamu dhaku p’Uria ma Jahiti ubed dhaku peri.

2 Samwil 16:7

Man Cimei wacu kumae kinde m’eyanyu ayany, Cidhi, cidhi, in i dhanu mi rimo, man dhanu ma kite mbe:

1 Ubimo 15:5

kum Daudi timo gin m’ubedo atira i wang’ Yehova, man elokre cen ungo kum gin moko m’eng’olo ire i nindo ceke mi kwo pare, ndhu i lembe p’Uria ma Jahiti kende.

1 Ubimo 21:19

E ibiyero ire, ibiwacu kumae, Yehova wacu kumae, Inego, man imaku bende? Man ibiyero ire, ibiwacu kumae, Yehova wacu kumae, I ka ma gwogi nang’u ie rimb Naboth, e gwogi binang’u rimbi keca, en e peri.

2 Lemkei 33:6

Eketho nyithindho pare bende ukadh kud i mac i poga pa wod Hinom; man etimo lembe ku weg jogi, elamu bila de, man etimo ajoga, e etimo ku ju ma weg tipo, man ku weg ajoga: etimo dubo dit i wang’ Yehova, kara unyai ng’ecwiny i ie.

Zaburi 51:14

Bodha ni dubo mi nek, E Mungu, in i Mungu mi both para; Man leba biwero ma tek pi bedopwe peri.

Zaburi 51:16

Kum imaru lam ungo; kuno di amio: Lam m’awang’a nyayu mutoro ngo ii.

Zaburi 51:4

Adubo iri, ndhu iri, i kendi, Man atimo gin ma rac i weng’i; Kara ibed pwe kan iyero, Man ibed leng’ kinde m’ipoko lembe.

Zaburi 90:8

Iketho kier mwa i weng’i, Dubo mwa ma mung’ mung’ i der mi weng’i.

Lembrieko 14:2

Ng’atu ma wotho ku lembatira pare lworo Yehova; Ento ng’atu ma kite mbe i yo pare caye.

Isaya 5:24

Ka kumeno calu lebmac wang’u soka, man calu lum m’uthwo rungre i lebmac, e ulaggi bibedo kumeca calu gin m’utop, man thiugi biduny calu utur; kum gikwero cik pa Yehova mir udul, man gicayu lembe pa Ng’atu Maleng’ mir Israel.

Yeremia 18:10

tek gitimo gin ma rac i wang’a, ya giworo dwanda ngo, e abilund lokra kum gin ma ber, m’awacu ya abitimo ko kuloka igi.

Amos 2:4

Yehova wacu kumae: Mi gondri adek mi Yuda, eyo mir ang’wen, abiloko masendine cen ungo; kum gikwero cik pa Yehova, man gigwoko cik pare ngo, ndra migi ketho gikier, ma calu kwarugi wotho i ie.

1 Samwil 15:19

Ka kumeno nedi iworo dwand Yehova ngo, ento icori wi ayeki, man itimo gin m’ubedo rac i wang’ Yehova?

1 Samwil 15:23

Kum camuco en e calu dubo mir ajoga, man udhing’ en e calu rwo ma ni mungu m’araga kud ayi gin m’acwiya. Kum ikwero lembe pa Yehova, en bende ekwerl kud ibed ubimo.

1 Samwil 15:26

Man Samwil uwacu ni Saul kumae, Abidwogo karacelo kudi ngo; kum ikwero lembe pa Yehova, man Yehova kweri kud ibed ubimo wi Israel.