2 Samwil 11:1 - The Holy Bible In Alur (Lur) Revised Orthography

¹ Man etimbre, ka rundi wok kendo, i nindo m’ubimo cidho yo lwiny, nia Daudi oro Yoab, ku jutic pare gikugi, man Israel ceke; man ginyotho nyithindho mir Amon, man gitieko Raba kud ali. Ento Daudi dong’ i Yerusalem.

2 Samwil 11:1 ပူးပေါင်းရင်းမြစ်များ

2 Samwil 10:14

Man kinde ma nyithindho mir Amon gineno nia Jucami giringo, e gin bende giringo i wang’ Abicai, e gimondo i adhura. Yoab ulund uai ba nyithindho mir Amon, man ebino Yerusalem.

1 Ubimo 20:22

Man jabilane bino ceng’ni bang’ ubimo mir Israel, ewacu de ire kumae, Cidhi, itegri giri, man ing’i, inen de gin m’itimo; kum ka rundi dwogo ubimo mi Cami biidho malu i kumi.

1 Ubimo 20:26

Man etimbre ka rundi dwogo nia Ben-hadad ucoko Jucami, man eidho bang’ Afek, kara ekied kum Israel.

I Lemkei 20:1

Man etimbre, i nindo mi dwogo mi rundi, i nindo ma ju m’ubimo cidho i lwiny, nia Yoab utelo wi njuru asikari, man enyotho ng’om mi nyithindho mir Amon, man ebino etieko Raba kud ali. Ento Daudi bedo i Yerusalem. Man Yoab ugoyo Raba, enyothe de.

2 Lemkei 36:10

Man ka rundi dwogo ubimo ma Nebukadnezar uoro kwenda, ugame utere Babeli, kud agulu ma ber mi ot pa Yehova, man eketho Zedekia m’umin mire ni ubimo wi Yuda ku Yerusalem.

Zaburi 60:9

Ng’a ma bikela i adhura ma teki? Ng’a m’utela bang’ Edomi?

Eklizia 3:8

nindo mi maru, man nindo mi dagu; nindo mir ali, man nindo mi poto ng’om.

Yeremia 49:2

Ka kumeno, nen, nindo bino, Yehova wacu, nia abiketho girapoya mir ali winjre kum Raba mi nyithindho mir Amon; e ebidoko ni udhuru m’uvuru, man jubiwang’u nyige ku mac: Israel bilund mwonyo ju m’umwonye, Yehova wacu.

Yeremia 49:3

Wugoi nduru, E Hecbon, kum judwoko Ai ni uvuru; wuywak, wu nyig Raba, wutwiru ku gonia: wuywaki, man wuring kun ku kun kind gang’; kum Malkam bicidho i ng’eca, julam pare man judongomawijo pare karacelo.

Ezekiel 21:20

Ibiketho yo ma palamularu tund ko Raba mi nyithindho mir Amon, man ba Yuda i Yerusalem ma judwoko tek.

Amos 1:14

Ento abicwinyo mac wi gang’kidi mi Raba, man ebiwang’u udi mi kerne, ku kok i ceng’ mi lwiny, man wavuvu i ceng’ mi vira;

Zekaria 14:3

Yehova bilund cidho woko, man abitimo ali kum thek maeno, calu kan ekiedo i ceng’ mi lwiny.

Poi Mi Cik 3:11

(Kum Og m’ubimo mi Bacan kende e m’udong’ mi dong’ Jurefai; nen, kavuto pare en e kavuto mi nyunyu; en e i Raba mi nyithindho mir Amon ungo? kaborne bot abung’wen, man kalacne bot ang’wen, calku bot dhanu.)

1 Samwil 18:30

Judongomawijo mi Jufilisti gilund giwok woko: man etimbre, ku ba wok ma giwok ko woko, nia Daudi timbre gire ku rieko ma sagu jutic ceke pa Saul; kum kumeno nyinge bedo ku pak ma dit.