2 Samwil 1:20 - The Holy Bible In Alur (Lur) Revised Orthography

²⁰ Kud wuyer pire i Gath, Kud wurweye i gengi mi Ackelon; Anyong’a maru nego nyig Jufilisti, Nyig ju ma yaa mbe i kumgi maru sagu.

2 Samwil 1:20 ပူးပေါင်းရင်းမြစ်များ

Ezekiel 16:27

Ka kumeno nen, arieyo cinga i wii, man ajwigo cemo peri ma thiri thiri, man amii ni yeny ma ju m’udegi yenyo, en e nyig Jufilisti, ma lewic unegogi kum yo peri ma rac.

Ezekiel 16:57

ma fodi dubo peri kuyabre ngo, calu i nindo mi cac mi nyig Cami, man mi ju m’utieke gbur, nyig Jufilisti, ma gisendi kun ku kun.

Mika 1:10

Kud wuyere i Gath, kud wuywak ki; ang’iela i utur i Beth-leafra.

Jupoklembe 11:34

Man Yeftha dwogo Mizpa ba ot pare; man, nen, nyare wok woko nirombo kude kud umbukulumbu man ku miel: man en e nyathin pare kulong’; ebedo ku wode moko ngo kadi nyare ndhu e kende.

Jupoklembe 14:19

E Tipo pa Yehova bino i wie ku tego, man eloro piny Ackelon, man enego dhanu pier adek m’i kindgi, egamu ayeki migi de, man emio kendi m’alawa ni ju m’uewo koine. Man ng’ecwiny pare opo, man eidho malu ba ot pa won.

1 Samwil 14:6

Man Yonathan uwacu ni jalawobi ma yeyo jambali pare kumae, Bin, man wek waci lokaca ba ot ma tek mi ju ma jutimo yaa ngo i kumgi: kuno nyo Yehova bitimo iwa; kum gin moko mbe ma cero Yehova kubodho ku dhanu dupa kadi ku ma nok.

1 Samwil 17:26

E Daudi yero ni dhanu m’ucungo i vute, ewacu kumae, Jubitimo ang’o ni ng’atu m’unego Jafilisti maeni, man ekabu cac woko ku wi Israeli? kum Jafilisti maeni ma jutimo yaa ngo i kume en e ng’a, ma nia ecayu njuru asikari pa Mungu ma kwo e?

1 Samwil 17:36

Jatic peri goyo umvor kud undiek de: man Jafilisti maeni ma jutimo yaa ngo i kume ebibedo calu kindgi acel, kum ecayu njuru asikari pa Mungu ma kwo.

1 Samwil 18:6

Man etimbre kinde ma gibino, kinde ma Daudi ai ba nek mi Jufilisti, nia mon giai ku i adhura mir Israel ceke, ma gibewero wer man gibemielo miel, kara giromb kud ubimo ma Saul, kud umbukulumbu, ku mutoro, man ku jam badwal.

1 Samwil 31:4

E Saul ulund uwacu ni jayei jambali pare kumae, Wodh palamularu peri, man idhuya kudo, kara ju maeni ma yaa mbe i kumgi ku gibin gidhuya man gisenda. Ento jayei jambali pare yio ngo; kum lworo nege dit. Ka kumeno Saul ugamu palamularu pare, man epodho i wie.

1 Samwil 6:17

Man maeni gi vur mi mola ma kwar ma Jufilisti gidwoko ni girathiera mi kier ba Yehova: mi Acdod acel, mi Gaza acel, mi Ackelon acel, mi Gath acel, mi Ekron acel;