2 Samwil 1:2 - The Holy Bible In Alur (Lur) Revised Orthography

² etimbre i ceng’ mir adege, nia, nen, ng’atu acel uai ba Saul i kagonjo, ku kendi pare m’uyec, man ku ng’om i wie: man ebedo kumeno, kinde m’ebino ba Daudi, nia epodho i ng’om, man erwo.

2 Samwil 1:2 ပူးပေါင်းရင်းမြစ်များ

Thangambere 22:4

I ceng’ mir adege Ibrahim uting’o wang’e malu, e eneno ka maeno ku bor.

Thangambere 37:29

Man Ruben udwogo ba vur; man, nen, Yusuf umbe i vuje; e eyeco kendi pare.

Thangambere 37:34

E Yakobo yeco kendi pare, man etwio gonia i piere, eywak de pi wode ceng’ dupa.

Thangambere 43:28

E giwacu kumae, Jatic peri ma wegwa kume leng’, fodi ebedo kwo. Man gikulo wigi, e girwo.

2 Samwil 1:3

Man Daudi wacu ire kumae, Iai kani? man ewacu ire kumae, Aboth kud i ka ma Israel ugonjo i ie.

2 Samwil 13:19

Man Tamar uketho vuru i wie, eyeco kendi pare de ma kite tung’ tung’ ma ni i kume; man egwaku wie ku cinge, man ecidho i yo pare, m’ewotho kuywak ma tek.

2 Samwil 14:4

Man kinde ma dhaku ma Tekoa yero ni ubimo, epodho arieba wang’e i ng’om, man erwo, ewacu kumae, Konya, E ubimo.

2 Samwil 15:32

Man etimbre, nia, kinde ma Daudi wok i ka m’aidha ka ma jurwo ie ni Mungu, nen, Hucai ma Jaarki bino rombo kude ku kanzu pare m’uyec, ku ng’om de i wie.

2 Samwil 24:20

Man Arauna neno, e eneno ubimo ku jutic pare bebino yor i bang’e: man Arauna wok woko, man erum gire i wang’ ubimo ma wang’e ni yor i ng’om.

2 Samwil 4:10

kinde ma ng’atu acel uyero ira, ewacu kumae, Nen, Saul utho, ma ie paru ya ekelo rwonglembe ma ber, amake, man anege i Ziklag, ma en e sukulia m’amio ire kum rwonglembe pare.

Ester 4:16

Cidhi, icok Juyahudi ceke ma ginuti i Cucan, man wuwek cam pira, man kud wucam kadok amadha de i nindo mi ceng’ adek, diewor kadi dieceng’: an bende ku jutic para ma nyir wabiweko cam kumeno; e kumeno abimondo bang’ ubimo, ma en e calku cik ungo: man tek arwinyo, de arwiny.

Ester 5:1

Nie etimbre i ceng’ mir adege, nia Ester ukendo bongu pare mi ker, man ecungo i lelagang’ ma yor i ot p’ubimo, yo kum ot p’ubimo: man ubimo jany wi komker i ot mi ker, yo kum kamondo mi ot.

Zaburi 66:3

Wuwac ni Mungu kumae, Tic peri gin ung’oindiri mire ma! Ni kum tego peri ma dit judegi peri bimondo gigi i beng’i.

Ezekiel 27:30

man gibiketbo dwandgi winjre i wii, man gibiywak ni can, man gihiketho utur i wigi; gibirudri gigi i vuru,

Hoseya 6:2

Yo ng’ei ceng’ ario ebiketho wacer: i ceng’ mir adege ebiting’owa malu, man wabikwo i wang’e.

Yoel 2:13

man wuyec adundewu, kendi mu re ngo, man wulokru ba Yehova Mungu mu; kum en e won bero ku kisa, yo ni ng’ecwiny, man esagre i mer mi bero, man elokre ni dubo.

Matayo 12:40

kum calu Yona bedo ceng’ adek ku diewor de i cino rec ma dit; e Wod dhanu de bibedo kumeno ceng’ adek ku dieworne de i adunde ng’om.

Matayo 16:21

Ugambre i nindo maeni Yesu maku nyutho ni julubne, nia ekocidho be Yerusalem, ecisendre de ku gin dupa ni kum judongo ku julam ma dongo ku jugorcik, jubinege de, i ceng’ mir adege ke ebicer.

Yocuwa 7:6

E Yocuwa yeco kendi pare, man epodho arieba wang’e i ng’om i wang’ sanduk pa Yehova maram uthieno wok ko, en ku judongo mir Israel; man giketho utur i wigi.

Lembanyutha 3:9

Nen, amio ng’et cokri pa Jok, mi ju m’uwacu nia gi Juyahudi, enke gi kumeno ngo, ento gicwayu ndra; nen, abiketho gibino girwo de nyim tiendi, ging’ei de nia ameri.

1 Samwil 20:41

Man kinde ma nyathinne cidho, Daudi ai ku ka ma yor ariwa ma piny, man epodho arieba wang’e i ng’om, man erum gire wang’ adek: e gicwio limbgi, man giywagri, maram Daudi sagu ko.

1 Samwil 25:23

E kinde ma Abigail uneno Daudi, etimo pio, man eloro ku wi kana pare, e epodho arieba wang’e i wang’ Daudi, man erum gire i ng’om.

1 Samwil 4:12

E ng’atu acel pa Benyamin uai kud i njuru asikari, man ebino i Cilo ceng’ nino, ku kendi pare m’uyec, man ku ng’om i wie.

1 Samwil 4:16

E ng’atuno wacu ni Eli kumae, An a ng’atu m’uai kud i njuru asikari, man aring’ni tinuni kud i njuru asikari. E ewacu kumae, Lembe timbre nenedi, woda?