2 Samwil 1:10 - The Holy Bible In Alur (Lur) Revised Orthography

¹⁰ Kum kumeno acungo i ng’ete, man anege, kum ang’eyo andha nia ecopo bedo kwo ngo yo ng’ei podho m’epodho man ating’o jamkermiwic ma ni i wie, ku gwang’ ma ni i bote, man akelogi keni ba rwoth para.

2 Samwil 1:10 ပူးပေါင်းရင်းမြစ်များ

2 Samwil 1:16

E Daudi wacu ire kumae, Rimbi bed i wii; kum dhogi tuco lembe i wii, iwacu kumae, Anego ng’atu ma Yehova wiro.

2 Samwil 1:9

Man ewacu ira kumae, Akwei, Cung i ng’eta, man inega; kum atem umaka; kum fodi kwo para ni bo i ia.

2 Samwil 12:30

Man ewodho jamkermiwic mir ubimo migi kud i wie; e pekne en e talanto mi mola ma kwar, man kidi ma pire tek ni i ie; man jukethe i wi Daudi. Ewodho ayeki mir adhurane de, dit apila.

2 Ubimo 11:12

Elund ewodho wod ubimo, man eketho jamkermiwic i wie, emio ire lembatuca de; e gikethe ni ubimo, man giwire; man giteng’o cing’gi, giwacu de kumae, Ubimo bed hai.

Ywak 5:16

Jamkermiwic upodho kud i wiwa: Can i wiwa, kum wadubo!

Matayo 7:2

Kum ku lembapoka ma wupoko, jubipoko ko lembe mu: man ku mukero ma wuporo ko, jubiporo ko iwu bende.

Jupoklembe 1:7

Man Adoni-bezek uwacu kumae, Ubimo pier abiro, ma juthumo dwong’ lwet cing’gi ku dwong’ lwet tiendgi woko, gikwanyu cemo migi the mesa para: calu atimo, e Mungu timo i kuma kumeca. Man gikele i Yerusalem, e etho kuca.

Jupoklembe 9:54

Elund elwong’o jalawobi ma jayei jamtho pare pio, man ewacu ire kumae, Wodh palamularu peri, man inega, kara dhanu kud uwac pira kumae, Dhaku nege. Man jalawobi pare dhuye plu, e etho.

1 Samwil 22:18

Man ubimo wacu ni Doeg kumae, Lokri, man ipodh wi julam. E Doeg ma Jaedomi lokre, man epodho wi julam, man enego dhanu pier abora wi abic i ceng’ maeca ma kendo ugoke mi bongu ma nwang’.