2 Jukorinto 9:7 - The Holy Bible In Alur (Lur) Revised Orthography

⁷ Dong’ dhanu ceke kubang’gi kubang’gi ng’atuman utim calu ekeco ku i adundene: ku minowang’ ungo, kadi kum acung’a de ngo: kum Mungu maru jamic ma mio kud anyong’a.

2 Jukorinto 9:7 ပူးပေါင်းရင်းမြစ်များ

I Lemkei 29:17

Ang’eyo bende, Mungu para, nia iponjo adunde, man anyong’a negi i bedopwe. An gira, i bedopwe mir adundena athiero ku beroewinya gin maeni ceke: man kawono aneno kud anyong’a dhanu peri, ma ginuti keni, githiero iri ku berocwiny.

I Lemkei 29:9

Anyong’a lund unego dhanu, kum githiero ku berocwinygi, kum kud adundegi ma cu githiero ku berocwinygi ni Yehova: man Daudi m’ubimo bende anyong’a nege kud anyong’a ma dit.

Ai 25:2

Yer ni nyithindho mir Israel, nia gigam ira girathiera: wugam girathiera para ba dhanu kubang’gi kubang’gi ma adundene ketho eyio mio.

Ai 35:5

Wugam girathiera ni Yehova i kindwu; ng’atu ma tek adundene yenyo, wek ekele, girathiera pa Yehova: mola ma kwar, ku mola ma tar, man mola,

Lembrieko 11:25

Ng’eyong’ec ma mio piny bicwe; Man ng’atu ma kwoyo pi jubikwoyo pi i wie gire bende.

Lembrieko 22:9

Ng’atu ma wang’e ni woko mugisa bikwanye; Kum emio kwen pare moko ni jucan.

Isaya 32:5

Jubilwong’o jakasegu won yung kendo ngo, kadi jubiwacu de ngo nia jamutwi ya jami giramia ma ku berocwiny.

Isaya 32:8

Ento won yung poro gin mi yung; man ebibedo asu i gin mi laccing’.

Tic Mi Jukwenda 20:35

I gin ceke amio iwu por, nia ku tic ma wumulu ko kumeni maku wukony ju ma ng’ic, wupoi de kum lembe pa Rwoth Yesu, nia ewacu en kumae, Mio en e mugisa ma sagu gamu.

Jurumi 12:8

kadi ng’atu m’ujuko juk de ni jukojuk pare: ng’atu m’umio de, dong’ etime k’abamba; ng’atu m’ubimo bim de, ebim kud amora; ng’atu ma kisa nege de, enege k’anyong’a.

2 Jukorinto 8:12

Kum tek amorane nuti, eyire ni ng’atuca calu m’ebedo ko, calku m’ebedo ko ngo re ngo.

Poi Mi Cik 15:14

imi ire ku berocwiny kud i kind udul rombe peri, man ku wi lelacam peri, man kud i pany mir ulok peri; calu Yehova Mungu peri mio mugisa iri imi ire de kumeca.

Filemon 1:14

ento kan ambe ku lembe ma ii pido ayenyo ngo atim gin moko; kara bero peri kud ubed mir adhula, ento calu iyenyo.

Yakobo 5:9

Umego, kud wung’ur kum juwedu ma ng’atuman ung’ur kum wadi man kum wadi, kara ku jupok lembe i wiwu: nen, japoklembe cungo dhugola.

1 Petro 4:9

ma wugwokru ko ma ng’ur umbe: