2 Jukorinto 9:5 - The Holy Bible In Alur (Lur) Revised Orthography

⁵ Ka kumeno ia pido ya emaku piny ya akoakwai umego be, ya gilar gicidh i beng’wu, gilar gicok giramia mu ma wular wung’olo, man kara ebed ayika calu en e ajok, man kud amaci de ngo.

2 Jukorinto 9:5 ပူးပေါင်းရင်းမြစ်များ

Thangambere 33:11

Gam, akwei, giramia para ma jukelo i beng’i; kum Mungu timo ku berocwiny i bang’a, man kum abedo ko m’uromo. Man ecuke, e egame.

2 Ubimo 5:15

E edwogo ba dhanu pa Mungu, en kud udul pare ceke, e ebino, man ecungo i wang’e; ewacu de kumae, Nen, kawono ang’eyo nia Mungu moko mbe i ng’om ceke, ndhu i kind Israel: ka kumeno kawono, akwei, gam giramia ba jatic peri.

1 Jukorinto 16:2

I ceng’ ma kwong’a ma yenga wun kubeng’wu kubeng’wu wukoi piny wuketh i beng’wu i kakan, calku ma wunwang’u, kara ku jujok ajok moko kan awok.

2 Jukorinto 8:6

Kum kumeno wakwayu Tito, ya calu elar etheko, e kumeno dong’ edar bero maeni bende i iwu.

2 Jukorinto 9:3

Ento aoro umego, kara kulula mwa m’i kumwu kud udok mananu i lembe nini; kara, cil calu awacu, wubed ayika:

2 Jukorinto 9:6

Ento ayero maeni, ng’atu m’ucoyo ku mutwi ebikayu de ku mutwi; man ng’atu m’ucoyo ku mwora ebikayu de ku rawora.

Jufilipi 4:17

En e kum giramia ma nia ayenyo ngo; ento ayenyo nyingwu e m’ucikusagu asaga ni wel mu.

Jupoklembe 1:15

Man ewacu ire kumae, Mi ira mugisa; kum iketha i ng’om ma yor ariwa ma piny, mi ira kulo mi pi bende. Man Kaleb umio ire kulo ma malu ku kulo ma piny.

1 Samwil 25:27

Man kawono giramia maeni ma jatic peri kelo ba rwoth para, wek jumie ni awobi m’ulubo rwoth para.

1 Samwil 30:26

Man kinde ma Daudi dwogo i Ziklag, eoro kum ayeki ni judongo mi Yuda, en e ni jurimbe, ewacu kumae, Nen, giramia iwu kum ayeki mi judegi pa Yehova: