2 Jukorinto 7:4 - The Holy Bible In Alur (Lur) Revised Orthography

⁴ Tegocwiny mi wec para yor i beng’wu e dit, kulula para m’i kumwu e dit: jukojuk uroma thur, anyong’a de roma hau i can mwa ceke.

2 Jukorinto 7:4 ပူးပေါင်းရင်းမြစ်များ

Tic Mi Jukwenda 5:41

E ka kumeno giai kud i dilo, ma anyong’a negogi kum jukwanu ya giromo sendri mai jujwigo kogi kum Nying’ maeni.

Jurumi 5:3

Man kumeni kende ngo ento anyong’a negowa i masendi mwa bende: ma wang’eyo ko ya masendi nyayu twiocwiny;

1 Jukorinto 1:4

Afoyo Mungu para i kumwu thiri thiri, kum bero Mungu m’umire iwu ni kum Kristu Yesu;

2 Jukorinto 1:14

calu jumoko m’i kindwu bende gituco piwa, ya wan wa kulula mu, cil calu wun bende wu mwa, i ceng’ pa Rwoth mwa Yesu.

2 Jukorinto 1:4

m’ejukowa i can mwa ceke, kara wacopo juko ju ma gini i can moko, ni kum jukojuk ma Mungu juko ko wan giwa.

2 Jukorinto 10:8

Kum kadok alula moko ma dit pi ng’ol mwa (ma Rwoth umio ya ugomwu agoma, m’ubamwu abama re ngo), e lewic binega ngo:

2 Jukorinto 11:21

Abeyero ma yung umbe i kume, calu y a wan wa ng’ic. Endre ka ma tek jumoko gibedo ie ku tegocwiny (ayero ku lembe ma kite mbe), abedo ku tegocwiny bende.

2 Jukorinto 2:14

Ento foyofoc ni Mungu, m’etelo wiwa thiri thiri i sag ma jusagu ko ni kum Kristu, man eketho mido mi ng’eyong’ec pare nyuthre i kaka ceke ni kumwa.

2 Jukorinto 3:12

Ka kumeno wan ma wabedo ku genogen ma kumeni, waweco ku tegocwiny ma dit,

2 Jukorinto 7:14

Kum tek adaru lulo piwu ire i gin moko, e lewic uwok i wia ngo; ento calu wayero gin ceke iwu i lemandha, kumeno kulula mwa bende m’aketho wang’ Tito junwang’u ebedo lemandha.

2 Jukorinto 8:24

Ka kumeno wunyuth igi kit mer mu i wang’ kanisa, man ke kulula mwa ma i kumwu bende.

Jufilipi 1:14

man nia umego kucel ma dit ma gini i Rwoth, ma ginwang’u tego ni kum kol para, gisagu ku tegocwinygi ku yero lembe pa Mungu ma lworo mbe i kumgi.

Jufilipi 1:20

calku kur para ma ku cwinya ceke ku genogen para, kara lewic kud unega ni kum gin moko, ento nia ku tegocwiny ceke, calu ma thiri thiri, e kawono bende Kristu bidoko dwong’ ni kuma, kadok ku kwo, kadi ku tho.

Jufilipi 1:26

kara kulula mu usagre i Kristu Yesu ni kuma kum bedo para m’i kindwu kendo.

Jufilipi 2:17

Eyo, man tek jubekonja wi lam man wi tic mi yioyic mu, e anyong’a benega, man anyong’a benega wakudu ceke:

Jukolosai 1:24

Nie anyong’a nega i masendi m’asendra ko piwu, man appng’o gin maka para mi masendi pa Kristu m’urem i ring’kuma pi kume, ma en e kanisa;

1 Jutesaloniki 2:19

Kum genogen mwa en e ang’o, kadi anyong’a mwa, kadi jamkermi wic mwa mi kulula? Ndhu wun ungo, i wang’ Rwoth mwa ma Yesu i bino pare?

1 Jutesaloniki 2:2

ento wan ma walar wasendra man jutimowa rac dit, calu wung’eyo, i Filipi, cwinywa doko tek i Mungu mwa ma wayero ko iwu lembanyong’a ma juboth ko pa Mungu ma waii ko aiia.

2 Jutesaloniki 1:4

ketho wan giwa walula i kumwu i kanisa pa Mungu kum twiocwiny ku yioyic mu i ragedo mu ceke man i ruvwa ma wuciro;

Filemon 1:7

Kum mutoro nega dit ku jukojuk de i mer peri, kum adunde jumaleng’ uyepo ni kumi, umira.

Yakobo 1:2

Umego, tek wupodho i udul abidhe, wukwane ceke ni mutoro;