2 Jukorinto 7:14 - The Holy Bible In Alur (Lur) Revised Orthography

¹⁴ Kum tek adaru lulo piwu ire i gin moko, e lewic uwok i wia ngo; ento calu wayero gin ceke iwu i lemandha, kumeno kulula mwa bende m’aketho wang’ Tito junwang’u ebedo lemandha.

2 Jukorinto 7:14 ပူးပေါင်းရင်းမြစ်များ

Yohana 17:19

Adwokra leng’ gira pigi, kara gin bende judwokgi leng’ i lemandha.

2 Jukorinto 10:8

Kum kadok alula moko ma dit pi ng’ol mwa (ma Rwoth umio ya ugomwu agoma, m’ubamwu abama re ngo), e lewic binega ngo:

2 Jukorinto 12:6

Kum tek ayenyo alula, abibedo jakasegu ngo; kum abiyero lemandha; endre aweko, kara ng’atu moko kud ukwana ma sagu ramba m’eneno abedo ko, kadi m’ewinjo i bang’a de.

2 Jukorinto 2:13

cwinya kwio ngo, kum anwang’u Tito m’umira ngo: ento kan aweko gi, acidho i Makedoni.

2 Jukorinto 7:13

Ka kumeno wanwang’u juk: man i jukojuk mwa anyong’a negowa dit apila ma sagu kum anyong’a m’unego Tito, kum kewu ceke wudwoko cwinye.

2 Jukorinto 7:4

Tegocwiny mi wec para yor i beng’wu e dit, kulula para m’i kumwu e dit: jukojuk uroma thur, anyong’a de roma hau i can mwa ceke.

2 Jukorinto 7:6

Endre ng’atu m’ujuko ju ma can unuro cwinygi, ndhu Mungu, ejukowa ku bino ma Tito bino ko i bang’wa;

2 Jukorinto 8:24

Ka kumeno wunyuth igi kit mer mu i wang’ kanisa, man ke kulula mwa ma i kumwu bende.

Jufilipi 1:26

kara kulula mu usagre i Kristu Yesu ni kuma kum bedo para m’i kindwu kendo.

2 Jutesaloniki 1:4

ketho wan giwa walula i kumwu i kanisa pa Mungu kum twiocwiny ku yioyic mu i ragedo mu ceke man i ruvwa ma wuciro;