2 Jukorinto 7:11 - The Holy Bible In Alur (Lur) Revised Orthography

¹¹ Kum nen, gin maeni nini, ya junyayu can i iwu ma ayi Mungu ni i kume, etimo i iwu gwokogwok ma tek rokeni ngi, eyo ku kabu lembe m’i wiwu giwu ma rokeni ngi, eyo ku ng’ecwiny de ma rokeni ngi, eyo ku lworo de ma rokeni ngi, eyo kud avane de ma rokeni ngi, eyo kud amora de ma rokeni ngi, eyo ku culo wang’ lembe ma rokeni ngi! I gin ceke wunyuthru giwu ya wu leng’ i lembe nini.

2 Jukorinto 7:11 ပူးပေါင်းရင်းမြစ်များ

Nehemia 13:25

E wadhau kugi, man akwong’ogi, e agoyo jumoko m’i kindgi, man adoyo yukwigi, e aketho gikwong’o ku Mungu, awacu kumae, Wubimio nyigwu ni wotgi ngo, kadi wubigamu migi ni wotwu de ngo, kadi piwu giwu.

Kitabu Pa Yob 42:6

Kum kumeno adagra gira, Man aloko cwinya i utur man vuru.

Zaburi 119:139

Ngiri para kaba woko, Kum jusend para wigi wil kum lembe peri.

Zaburi 130:6

Ng’eyong’ec para kuro Rwoth Ma sagu jukur ma kuro rupiny; Eyo, ma sagu jukur ma kuro rupiny.

Zaburi 145:19

Ebiketho yeny ma ju m’ulwore yenyo timbre kakare; Ebiwinjo ywak migi bende, man ebibodhogi.

Zaburi 2:11

Wutim ni Yehova ku lworo, Man anyong’a negwu ku mielkum.

Zaburi 35:13

Ento an, kinde ma kumgi lith, kendi para en e gonia: Asendo ng’eyong’ec para ku kwiro cam; Man rwo para dwogo i kora gira.

Zaburi 38:9

Rwoth, yeny ma ia yenyo ceke ni i weng’i; Man cur para bedo apana ngo iri.

Zaburi 42:1

Calu ruda yuyo tok kulo mi pi, E ng’eyong’ec para yuyo kumeca i toki, E Mungu.

Zaburi 69:9

Kum ngiri mi ot peri cama; Man cac mi ju m’ucei podho i wia.

Lembrieko 14:16

Ng’atu ma riek lworo nege, man eweko lem ma rac; Ento jakasegu jai gire, man ebedo ku genogen.

Lembrieko 28:14

Ng’atu ma lworo nege thiri thiri en e jamutoro; Ento ng’atu m’udwoko adundene nwang’ ebipodho i ruvwa.

Wer Pa Suleman 8:6

Ketha calu ayi piny wi adundeni, Calu ayi piny wi boti: Kum mer tek calu tho; Nyeko mbe ku kisa calu liel; Bieine calu lebmac, Lebmac pa Yehova.

Isaya 26:8

Eyo, i yo mi pokolembe peri, E Yehova, wakuri; ava ng’eyong’ec mwa ni yo ba nyingi, man yo ba poi mi nyingi.

Isaya 66:2

Kum gin maeni ceke cinga timo en, e kumeni gin maeni ceke wok, Yehova wacu: ento abineno ba ng’atu maeni, en e ba ng’atu ma jacan man mi cwiny mi lokri, man ma kume miel kum lembe para.

Daniel 6:14

E kan ubimo winjo lembe maeni, eton i ie dit, man eketho adundene kum Daniel kara ebodhe; e etimo ma tek cil ma ceng’ upodho kara ebodhe.

Marko 3:5

E kan eng’iogi gbe ma ng’ecwiny unege, ma can de nege kum adundegi m’udoko nwang’, ewacu ni ng’atuno kumae, Riei cingi. E erieye; man cinge dok kakare.

Yohana 2:17

Julubne poi nia egore kumae, Ava ot peri bicama.

Tic Mi Jukwenda 17:16

Nie kinde ma Paolo bekurogi i Athene, edieng’o cwinye kan eneno adhurane dhir kud ayi m’acwia.

Jurumi 11:20

Ber; juturo gi woko ni kum yioyic migi m’umbe, man ni kum yioyic peri icungo. Kud ibed ku pidoic mi tingri, endre ilwor:

Jurumi 14:18

Kum ng’atu m’utimo ni Kristu i maeni enyayu mutoro ni Mungu man dhanu foye.

Jurumi 3:5

Ento tek gondri mwa dwoko bedopwe pa Mungu tek, wabiyero ang’o? Mungu en e won gondri m’eliewo jo ku kwinyo? (Ayero calu ma dhanu yero.)

1 Jukorinto 12:25

kara pokri kud uwok i kum; ento kara wathkum gikungri calacel man ukung wadi man ukung wadi.

1 Jukorinto 5:13

Ento ju ma gini woko re Mungu poko lembe migi en. Dong’ wukab jadubo nino woko kud i kindwu.

1 Jukorinto 5:2

E wutingru ating’a, man can unegowu ngo, kara ng’atu m’utimo tic maeni ukabre woko kud i kindwu.

2 Jukorinto 13:7

Nie waberwo ni Mungu kara kud wudubi; ma nia wanyuthra ko ngo ya jufoiwa, endre kara wutim maeno ma mi yung, kadok wabedo calu ju ma jukwero.

2 Jukorinto 2:6

Masendi maeni ma ju ma dupa giketho i wie eromo wagi ng’atu ma kumeni;

2 Jukorinto 6:4

endre wabefoira giwa i gin ceke, calu jutim pa Mungu, i twiocwiny ma dit, kud i can, ku can piny m’unegowa, ku lem ma tek,

2 Jukorinto 7:1

Ka kumeno, jumer, wan ma wabedo ku lembang’ola maeni, dong’ walwokra giwa ni cilo ceke mi kum ku mi tipo, ma wadwok ko leng’cwiny udok ndhu cu i lworo pa Mungu.

2 Jukorinto 7:7

man ku bino pare m’ebino ko kende ngo, endre ni kum juk m’ujuke ni kumwu, kinde m’eyero pir avane m’unegowu, pi can m’unegowu de, kud amora mu de ma pira; ketho anyong’a nega m’usagu.

2 Jukorinto 7:9

e kawono anyong’a nega, ma nia junyayu can i iwu re ngo, endre nia junyayu can i iwu ni lokocwiny; kum junyayu can i iwu ma wagi can ma ayi Mungu ni i kume, kara kud wunwang’ ru vwa ni kumwa i gin moko.

2 Jukorinto 9:2

kum ang’eyo amora mu, m’alulo pire i kumwu ni ju ma Makedoni, ya Akaya gamu bedo ayika rundi acel m’ukadhu; man amora mu ketho kindgi dupa yepo.

Juefeso 4:26

Bed ku ng’ecwiny, man kud wudubi: kud wuwek ceng’ umwony wi kwinyo mu:

Juefeso 5:11

man kud wuribru ki ku tic mi mudho ma cego nyinge ngo, ento ma sagu re wuketh ging’ei pi dubo migi;

Jufilipi 2:12

Kum kumeno, jumerna, cil calu wubeduworo thiri thiri, calu i vuta kende ngo, ento kawono m’usagu dit m’ambe, wutim tic mi both mu giwu ku lworo ku mielkum;

1 Jutesaloniki 4:6

ng’atu moko kud ukadh kieu, etim rac de bang’ umin i lembe nini: kum Rwoth en e jacul kwor kum gin maeni ceke, calu wan bende walar wapoyowu man watuco.

1 Timoteo 5:20

Ju ma gidubo lembe jukgi i wang’ dhanu ceke, kara ju m’udong’ bende gilwor.

2 Timoteo 2:15

Dong’ itim kud amora m’inyuthri ko ni Mungu, ya in i ng’atu m’efoyo, jatic ma lewic umbe i wie, m’upoko lembe mandha cu.

Tito 3:8

Maeni lembe mandha, e ayenyo iyer pi gin maeni ku tegocwinyi, kara ju m’uyio Mungu gipoi ya gibed ku tic ma ber. Gin maeni gi ber kulokane de nuti ni dhanu:

Juebrania 4:1

Ka kumeno, dong’ lworo negwa, tek lembang’ola mi mondo i yom pare nuti ku jubin junwang’ ng’atu moko m’i kindwu rem pire.

Yakobo 3:17

Ento rieko m’uai malu elar ebedo leng’, macen mi kwiocwiny, yo de, ma yot kum winjo lembe, pong’ ku kisa ku nying’ ma jucego, ma piem umbe, dhok ario de mbe.

1 Petro 1:17

Man tek wulwong’e calu en e Wego, m’epoko lembe mi dhanu ng’atuman calku tic pare ma dhanu bedo ko tung’ tung’ ungo i wang’e, e wubed ku lworo i nindo mi bedo mu:

1 Petro 2:2

calu mukere ma junyolo kawono, dong’ ava cak mi tipo ma awondi mbe i ie unegwu, kara wudong kude ni both;

Yuda 1:23

man wular jumoko, ma wuyudh kogi kud i mac; man bed ku kisa ku lworo kum jumoko; ma wudag ko cil kendi ma kume cwinyo ni kum kum.

Lembanyutha 3:19

Ku ba ju m’amaru ceke, ajukogi man aponjogi: ka kumeno bed k’amora, man ilok cwinyi.