2 Jukorinto 7:10 - The Holy Bible In Alur (Lur) Revised Orthography

¹⁰ Kum can ma ayi Mungu ni i kume timo ni lokocwiny ni both, en e lokocwiny ma kelo can ungo: endre can m’i ng’om timbre ni tho.

2 Jukorinto 7:10 ပူးပေါင်းရင်းမြစ်များ

Thangambere 30:1

Man ka Rahel uneno nia enyolo nyithindho ngo ni Yakobo, nyeko timo Rahel kum nyamin; man ewacu ni Yakobo kumae, Mi ira nyithindho, kadi tek kumeno ngo atho.

2 Samwil 12:13

E Daudi wacu ni Nathan kumae, Adubo ni Yehova. Man Nathan uwacu ni Daudi kumae, Yehova bende ketho dubo peri cen; ibitho ngo.

2 Samwil 13:4

Man ewacu ire kumae, Nedi E wod ubimo, imok kumeni ceng’ ku ceng’i? ibiyero ira ngo? Man Amnon uwacu ire kumae, Amaru Tamar, ma nyamin umira ma Absalom,

2 Samwil 17:23

Man kinde ma Ahithofel uneno nia jutimo lembapora pare ngo, eketho jamb woth wi kana pare, man eai, edok thugi, bang’ adhura pare, e eyiko ot pare, man edeire gire; e etho, man juyike i odliel pa won.

1 Ubimo 21:4

E Ahab ubino i ot pare ku cwinye m’udieng’ ma lembe ton i ie de kum lembe ma Naboth ma Jayezreli yero ire; kum ewacu kumae, Abimio iri aba pa kwara ngo. E evuto piny wi kavuto pare, man eloko wang’e yo woko, man ekwero camu kwen.

Zaburi 38:18

Kum abituco kier para; Can binega kum dubo para.

Lembrieko 15:13

Adunde mi mutoro nyayu mutoro i wang’; Ento cwiny tur ni kum can mir adunde.

Lembrieko 15:15

Nindo ceke mi ju ma jusendogi rac; Ento ng’atu ma mutoro nego adundene bedo kud agba thiri thiri.

Lembrieko 17:22

Adunde mi mutoro en e yath ma ber; Ento cwiny m’utur talu cogo.

Lembrieko 18:14

Cwiny dhanu bijenge i mulima pare; Ento cwiny m’utur ng’a ma copo cire?

Eklizia 7:3

Can e ber ma sagu ng’iero; kum can mi wang’ dwoko adunde ber ma sagu.

Yeremia 31:9

Gibibino ku ywak; man abitelo wigi ku kwac: abiketho giwotho ng’et kulo ma dit mi pi, i yo m’atira ma gibikier i ie ngo; kum an a Wego ni Israel, man Efraim en e kayu para.

Ezekiel 7:16

Ento ju m’i kindgi m’uboth gibiboth, man gibibedo wi gudi calu akuru m’i poga, kagi ceke ma gicur acura, kubang’gi kubang’gi ng’atuman i kier pare.

Yona 3:10

E Mungu neno tic migi, nia gilokri kud i yo migi ma rac; e Mungu loko cwinye kum gin ma rac m’ewacu ebitimo i kumgi; man etime ngo.

Yona 3:8

ento wek gibed auma kud usuba, dhanu ku lim de, man wek gilwong’ Mungu ma tek; eyo, wek gilokri kubang’gi kubang’gi ng’atuman kud i yo pare ma rac, man kud i yo pare ma rac, man ku i kuvuga ma ni i cinge.

Yona 4:9

E Mungu wacu ni Yona kumae, Itimo dre ka ng’ecwiny unegi kum vombo? Man ewacu kumae, Atimo dre kum ng’ecwiny umaka, cil ni tho.

Matayo 26:75

E Petro poi kum lembe ma Yesu wacu kumae, Ka fodi kulok kukok ungo, ibikwera wang’ adek. E ewok woko, eywak ku can ma apila.

Luka 15:10

Cil kumeno, awacu iwu, Anyong’a nuti i wang’ malaika pa Mungu kum jadubo acel m’uloko cwinye.

Luka 18:13

Ento won ajok, ucungo bor cen, eyio ting’o wang’e malu i polo de ngo, endre edhongo kore, ewacu kumae, Mungu, dong’ kisa negi i kuma an a jadubo.

Tic Mi Jukwenda 11:18

E ka giwinjo gin maeni, giling’, man giyungo Mungu, giwacu kumae, Kara Mungu mio lokocwiny ma ni kwo ni Thekdhanumange bende.

Tic Mi Jukwenda 3:19

Ka kumeno wulok cwinywu, man wulokru kendo, kara dubo mu kabre woko, kara nindo mi yepocwiny uai i vut Rwoth;

2 Jukorinto 12:21

kara kinde m’abino kendo Mungu para kud ubin ujwiga i weng’wu man abin aywak kum dupa m’i kindgi ma gilar gidubo, ma gikuloko cwinygi ngo kum sasa man tarwang’ man awanya ma rac ma gitimo.

2 Jukorinto 7:9

e kawono anyong’a nega, ma nia junyayu can i iwu re ngo, endre nia junyayu can i iwu ni lokocwiny; kum junyayu can i iwu ma wagi can ma ayi Mungu ni i kume, kara kud wunwang’ ru vwa ni kumwa i gin moko.

Juebrania 12:17

Kum wung’eyo nia yo ku ng’eye kan eyenyo ecam pacu mi mugisa, jukwere; kum enwang’u kamoko ngo m’elok ko pidoic pa won, kadok eyenye hai ku piwang’.

1 Samwil 30:6

Man cwiny Daudi ng’abre dit; kum dhanu giyero pi canye ku kidi, kum can unego ng’eyong’ec mi dhanunegi ceke, ku ba dhanu ceke ng’atuman pi wote man pi nyige: ento Daudi udwokre gire tek ni kum Yehova Mungu pare.