2 Jukorinto 7:1 - The Holy Bible In Alur (Lur) Revised Orthography

¹ Ka kumeno, jumer, wan ma wabedo ku lembang’ola maeni, dong’ walwokra giwa ni cilo ceke mi kum ku mi tipo, ma wadwok ko leng’cwiny udok ndhu cu i lworo pa Mungu.

2 Jukorinto 7:1 ပူးပေါင်းရင်းမြစ်များ

2 Lemkei 19:9

Man eng’olo igi, ewacu kumae, Wubitimo kumeno i lworo pa Yehova, mandha, man kud adunde ma cu.

Zaburi 119:9

Jalawobi bilwoko yo pare nenedi? Ni kum gwokri calku lembe peri.

Zaburi 19:9

Lworo pa Yehova e leng’, m’ebedo mi nja: Lembapoka pa Yehova en e andha, man gibedo ndhu pwe.

Zaburi 51:10

Cwi adunde ma leng’ yor i ia, E Mu ngu; Man idwok cwinya nyen atira yor i ia.

Lembrieko 16:6

Kier rucre ni kum kisa ku lemandha; Man dhanu ai i dubo ni kum lworo Yehova.

Lembrieko 20:9

Ng’a ma copo wacu kumae, Adwoko adundena leng’, An a leng’ ni dubo para?

Lembrieko 30:12

Dhanum’utuk moko nuti ma bedo leng’ i wang’gi gigi, Man fodi gibedo alwoka ni cilo migi ngo.

Lembrieko 8:13

Lworo Yehova en e dagu dubo: Adagu kuhaya, man tingri, ku yo mi dubo, Man dhok ma kite mbe.

Eklizia 11:10

Ka kumeno kab can kud i adundeni, man icor lem ma rac cen kud i kumi; kum aradu ku rupiny mi kwo bende en e gin ma ie nanu.

Isaya 1:16

Wujom, wudwokru leng’; wukab dubo mi giratima mu cen kud i nyim wang’a; wuwek timo rac;

Isaya 55:7

dong’ jadubo wek yo pare, man won gondri pidoic pare; man wek edwog ba Yehova, e kisa binege i kume; man ba Mungu mwa, kum ebiweko ire ma gwei.

Yeremia 13:27

Aneno ginmajudagu peri, en e dubri swa peri, man kok peri, en e tarwang’ mir asara peri, wi ungulu gudi i thim. Can i wii, E Yerusalem! iyeny o ngo judwoki leng’; fodi ebibedo rokani?

Yeremia 4:14

E Yerusalem, lwok adundeni ni dubo, kara ibothi. Pidoic peri ma rac bibedo yor ii rokani?

Lembe Mi Julawi 13:58

Man kendi, kadok gin m’arudha, kadi gin m’akieda kadi gin moko mi lau, m’ibilwoko, tek rembe ai i kumgi, ilund ilwoke mir arionde, e ebibedo leng’.

Matayo 12:33

Kadi wuketh yen udok ber, nyinge de dok ber; kadi wuketh yen udok rac, nyinge de dok rac: kum jung’eyo yen ni nyinge.

Matayo 5:48

Ka kumeno wubed ndhu cu, calu Wegwu ma ni i polo bedo ndhu cu.

Matayo 5:8

Mugisa ni ju ma adundegi leng’: kum gibineno Mungu.

Tic Mi Jukwenda 9:31

Ka kumeno kanisa m’i ng’om ceke mi Yahudi ku mi Galilaya man Samaria de gibedo ma cwinygi kwio, e giteng’ni; e ka gibewotho i lworo pa Rwoth man i jukojuk pa Tipo Maleng’, gimedri.

Jurumi 5:20

Man cik de bino umedo maeca, kara kier usagre; ento ka ma dubo sagre i ie, e bero sagre dit apila:

1 Jukorinto 6:20

kum jung’iewowu ku wel piny: ka kumeno dong’ wuyung Mungu i kumwu.

2 Jukorinto 1:20

Kum kadok lembang’ola pa Mungu gi dupa, e eyo ni i ie: kum kumeno amen bende ni i kume, ni dwong’ pa Mungu ni kumwa.

Juefeso 2:3

ma wan ceke bende naka wabedo i kindgi i awanya ma rac mi kumwa, ma watimo ava mi kum ku mi pidoic, man ku kura wa nyithindho mi kwinyo, cil calu dong’ dhanu:

1 Jutesaloniki 3:13

kara eketh adundewu cung ma adote mbe i leng’cwiny wang’ Mungu mwa man Wegwa, i bino pa Rwoth Yesu mwa ku jupare maleng’ ceke.

1 Jutesaloniki 4:7

Kum Mungu lwong’owa pi sasa ngo, endre i dwokrileng’.

1 Jutesaloniki 5:23

Man Mungu mi kwiocwiny en edwokwu leng’ njwa; man dong’ cwinywu ku kwo mu ku kumwu gibed kubang’gi: ma adote mbe i bino pa Rwoth mwa Yesu Kristu.

Juebrania 12:23

ba cokri ma yu ku kanisa mi kayu ma jugoro i polo, man ni Mungu ma Japok mi jo ceke, man ni tipo mi weg bedopwe ma judwoko cu ma ndhu,

Juebrania 12:28

Kum kumeno, wan ma wajolo ker ma copo yengre ngo, dong’ wabed ku bero, ma watim ko ni Mungu wanyai ko mutoro i ie karacelo ku jwigri ku lworo ma ayi Mungu ni i kume:

Juebrania 4:1

Ka kumeno, dong’ lworo negwa, tek lembang’ola mi mondo i yom pare nuti ku jubin junwang’ ng’atu moko m’i kindwu rem pire.

Juebrania 6:9

Ento, jumer, kadok wayero kumeno bende, wageno gin ma ber m’usagu maeno piwu, man gin m’ubedo karacelo ku both:

Yakobo 4:8

Cor i vut Mungu, man ebicoro i vutwu. Wulog cingwu, wu judubo; man wulwok adundewu, wu ju ma pidoiwu ario.

1 Petro 1:15

ento calu ng’atu m’ulwong’owu e leng’, wun giwu bende wubed leng’ i kura ceke mi bedo mu;

1 Petro 1:17

Man tek wulwong’e calu en e Wego, m’epoko lembe mi dhanu ng’atuman calku tic pare ma dhanu bedo ko tung’ tung’ ungo i wang’e, e wubed ku lworo i nindo mi bedo mu:

1 Petro 1:22

Kum wudaru dwoko adundewu leng’ i woro mu ma ba lemandha ni mer mir umego ma abombi mbe i ie, dong’ wumeru k’amora ku i adunde:

1 Petro 2:11

Jumer, akwayuwu calu jubedo man juwoth, ya wuceru ni awanya ma rac mi kum, ma kiedo kum ng’eyong’ec;

1 Petro 5:10

Man Mungu mi bero ceke, m’elwong’owu ni dwong’ pare ma nja i Kristu, ka wudaru sendru nyanok, en ku kite ebidwokowu cu ma ndhu, ebiketho wunyang’ de, ebiketho wudoko tek.

1 Yohana 1:7

ento tek wawotho i der, calu en eni i der, nwang’u wabedo ku ripocwiny ma man ku wadi man ku wadi, man rimb Yesu ma Wode ubelonyowa ni dubo ceke.

1 Yohana 1:9

Tek watuco dubo mwa, en e mandha man pwe mi weko dubo mwa, mi lonyowa de ni gondri ceke.

1 Yohana 3:3

Man ku ba dhanu ceke m’ubedo ku genogen maeni i bang’e edwokre leng’ gire, cil calu en e leng’.