2 Jukorinto 6:7 - The Holy Bible In Alur (Lur) Revised Orthography

⁷ i lembe mi lemandha, man i tego pa Mungu; ni kum jamtho mi bedopwe yo ku cing’ taa yor acwic ku yo ku cing’ ma yor acam bende,

2 Jukorinto 6:7 ပူးပေါင်းရင်းမြစ်များ

Zaburi 119:43

Man kud ikab lembe mi lemandha pet kud i dhoga; Kum ageno lembapoka peri.

Ai 14:22

E nyithindho mir Israel umondo i die nam ku wi ng’om m’uthwo: e pi bedo ni gang’ igi yo ku cing’gi ma yor acwic, man yo ku cing’gi ma yor acam.

Lembrieko 3:16

Nindo m’ung’adu ni yo ku cinge ma yor acwic; Lonyo ku yung ni yo ku cinge ma yor acam.

Isaya 11:5

Man bedopwe bibedo ni jamtwic mi ie, bedo mandha ke bibedo ni thondh piere.

Isaya 59:17

Man eronyo bedopwe calu asi, ku jamgwok mi both i wie; man eronyo bongu mi culokwor ni kendi, man eronjre ku ngiri calu kanzu.

Marko 16:20

E gicidho, giyero i kaka ceke, Rwoth utimo kugi, eketho tego kum lembene ku giranyutha m’ulube. Amen.

Tic Mi Jukwenda 11:21

Cing Rwoth de ni i bang’gi: e udul mi ju m’uyio gilokri ba Rwoth.

1 Jukorinto 1:24

ento ni ju ma julwong’ogi re, Juyahudi giku Juyunani de, en e Kristu ma ego pa Mungu, ku rieko pa Mungu de.

2 Jukorinto 13:4

kum jugure i ng’ic, endre ebedo kwo ni kum tego pa Mungu. Kum wan bende wa ng’ic i ie, endre wabibedo kwo wakude ni kum tego pa Mungu yor i beng’wu.

2 Jukorinto 2:17

Kum wan wa calu dupa ngo, ma gibenyotho lem pa Mungu: ento wayero mwa i Kristu, endre calu ma abombi mbe i cwinywa, ento calu pa Mungu i wang’ Mungu.

2 Jukorinto 4:2

ento wadaru kwero giramung’a mi lewic, ma wabewotho ko ku rieko mir awondi ngo, kadi ma wabetimo lembe pa Mungu ku ndra de ngo; ento ku nyuthonyuth mi lemandha ma wabefoira ko ni pidocwiny mi dhanu kubang’gi kubang’gi i wang’ Mungu.

2 Jukorinto 7:14

Kum tek adaru lulo piwu ire i gin moko, e lewic uwok i wia ngo; ento calu wayero gin ceke iwu i lemandha, kumeno kulula mwa bende m’aketho wang’ Tito junwang’u ebedo lemandha.

Juefeso 1:13

i ie wun bende, ma wudaru winjo lembe mi lemandha, ma en e lembanyong’a mi both ma juboth ko, i ie, nwang’u wudaru yio bende, juketho ayi i kumwu ni kum Tipo Maleng’ mi lembang’ola,

Juefeso 3:20

Nie ni ng’atu m’ecopo timo dit apila ma sagu gin ceke ma wapenjo kadi ma wapido pire, calku tego m’ubetimbre i iwa,

Juefeso 4:21

tek ebedo kumeno ya wuwinje, man juponjowu i ie, cil calu lemandha ni i Yesu:

Jukolosai 1:5

kum genogen ma jukanu iwu i polo, ma wular wuwinjo pire i lembe mi lemandha mi lembanyong’a ma juboth ko,

1 Jutesaloniki 5:8

Ento dong’ wan, kum wa mi ceng’, wabed nger, waroi asi mi yioyic ku mer bende; man ka sabu mir umbu, waketh genogen mi both.

2 Timoteo 2:15

Dong’ itim kud amora m’inyuthri ko ni Mungu, ya in i ng’atu m’efoyo, jatic ma lewic umbe i wie, m’upoko lembe mandha cu.

2 Timoteo 4:7

Adaru kiedo lwiny ma ber, adaru woth para atundo kajikne, agwoko yioyic bende:

Juebrania 2:4

Mungu bende ginyutho gikugi, ku giranyutha ku musana man udul tego de, man ku giramia mi Tipo Maleng’, calku yeny ma ie yenyo gire.

Yakobo 1:18

E enyolowa ku lembe mi lemandha, kara wabed ni landu mi mwoka mi ju m’ecwio.