2 Jukorinto 6:4 - The Holy Bible In Alur (Lur) Revised Orthography

⁴ endre wabefoira giwa i gin ceke, calu jutim pa Mungu, i twiocwiny ma dit, kud i can, ku can piny m’unegowa, ku lem ma tek,

2 Jukorinto 6:4 ပူးပေါင်းရင်းမြစ်များ

Isaya 61:6

Ento jubilwong’owu julam pa Yehova; dhanu bilwong’owu jutim pa Mungu mwa: wubicamu lonyo mi thek, man wubilulu giwu ni kum dwong’ migi.

Yoel 1:9

Girathiera mi mogo ku girathiera m’amadha githumbri woko kud i ot pa Yehova; julam, jutic pa Yehova, giywak.

Yoel 2:17

Wek julam, ma jutim tim pa Yehova, giywak kind pondot ku pemblam, man wek giwac kumae, Wek dhanu peri, E Yehova, man kud imi camupacu peri ni cac, kara thek ubim wigi: nedi giwac i kind kodhidhanu kumae, Mungu migi ni kani?

Luka 21:19

I twiocwiny mu wubibodho kwo mu.

Yohana 16:33

Ayero giki maeni iwu, kara wubed ku kwiocwiny ni kuma. Masendi ni i beng’wu i ng’om: ento dong’ cwinywu bed tek; avoyo ng’om.

Tic Mi Jukwenda 2:22

Wu dhanu pa Israel, wuwinj lembe maeni: Yesu ma Nazareti, en e ng’atu ma Mungu foye iwu ku tic ma dwong’ man musana ku giranyutha ma Mungu timo ni kume i kindwu, cil calu wun de wung’eyo giwu;

Tic Mi Jukwenda 20:34

Wung’eyo giwu nia cing’ maeni timo ni canpiny m’unega, ni ju ma wanuti wakugi de.

Tic Mi Jukwenda 9:16

kum abinyutho ire kwai gin dupa m’ebikosendre kudo be kum nyinga.

Jurumi 14:18

Kum ng’atu m’utimo ni Kristu i maeni enyayu mutoro ni Mungu man dhanu foye.

Jurumi 16:10

Wumoth Apele m’e ng’atu ma jufoye i Kristu. Wumoth ju ma gi juot pa Aristobulo.

Jurumi 3:5

Ento tek gondri mwa dwoko bedopwe pa Mungu tek, wabiyero ang’o? Mungu en e won gondri m’eliewo jo ku kwinyo? (Ayero calu ma dhanu yero.)

Jurumi 5:8

ento Mungu nyu tho mer pare gire iwa, kum, kinde ma fodi wa judubo, Kristu tho piwa.

1 Jukorinto 3:5

Ka kumeno Apolo en e girang’o? man ke Paolo de en e girang’o? Gi jutim ma wuyio ni kumgi; man dhanu ceke kubang’gi kubang’gi ng’atuman bedo ko calu Rwoth umio ire.

1 Jukorinto 4:1

Wek jukwanwa, calu wa jutim pa Kristu, man ke jukurpiny mi giramung’a pa Mungu.

1 Jukorinto 9:11

Tek wacoyo iwu gin mi tipo, en e gin ma dit tek wabikayu gin mu mi kumi?

2 Jukorinto 11:23

Gin gi jutim pa Kristu? (Ayero calu abelu) an e m’asagu; i tic m’amula ko ma sagu dit, i kol ma sagu dit, ku wang’ goc ma kaporne mbe, i tho wang’ udul.

2 Jukorinto 11:27

i tic ma jumuli ko ku sendri, i kurokur wang’ udul, ku kec ku rieu de, ku kwirocam de wang’ udul, ku koyo ku muneru de.

2 Jukorinto 11:9

man kinde ma ani i beng’wu ma can piny bende ni i kuma, abedo ter ni ng’atu moko ngo: kum umego, kinde ma giai i Makedoni, gin e ma gimio m’ukabu can piny ma ni i kuma; man i gin ceke akura gira kara kud abed ni ter iwu, man abigwokra gira kumeno,

2 Jukorinto 12:10

Kum kumeno anyong’a nega i ng’ic, i acidi de, i can piny, i ragedo, i can m’alimo, ni kum Kristu: kum kinde ma a ng’ic, kinde maeca a tek.

2 Jukorinto 12:12

Andha giranyutha pa jakwenda utimbre i kindwu i twiocwiny ceke, ku giranyutha man musana ku tego ma dit de.

2 Jukorinto 2:17

Kum wan wa calu dupa ngo, ma gibenyotho lem pa Mungu: ento wayero mwa i Kristu, endre calu ma abombi mbe i cwinywa, ento calu pa Mungu i wang’ Mungu.

2 Jukorinto 3:6

en bende m’eketho waromo calu jutim mi lembariba ma nyen; mi nyiguta ngo, ento mi tipo re: kum nyiguta nego, endre tipo mio kwo.

2 Jukorinto 4:17

Kum can mwa ma yot, ma nyagwil, etimo iwa ter mi dwong’ ma nja ku nja ma sagu dit apila;

2 Jukorinto 4:2

ento wadaru kwero giramung’a mi lewic, ma wabewotho ko ku rieko mir awondi ngo, kadi ma wabetimo lembe pa Mungu ku ndra de ngo; ento ku nyuthonyuth mi lemandha ma wabefoira ko ni pidocwiny mi dhanu kubang’gi kubang’gi i wang’ Mungu.

2 Jukorinto 4:8

judiowa yo kun ku kun ceke, ento rititi re ngo; cwinywa ng’abre, endre cwinywa kuai ungo;

2 Jukorinto 7:11

Kum nen, gin maeni nini, ya junyayu can i iwu ma ayi Mungu ni i kume, etimo i iwu gwokogwok ma tek rokeni ngi, eyo ku kabu lembe m’i wiwu giwu ma rokeni ngi, eyo ku ng’ecwiny de ma rokeni ngi, eyo ku lworo de ma rokeni ngi, eyo kud avane de ma rokeni ngi, eyo kud amora de ma rokeni ngi, eyo ku culo wang’ lembe ma rokeni ngi! I gin ceke wunyuthru giwu ya wu leng’ i lembe nini.

Jukolosai 1:11

ma wudoko tek ku tego ceke, calku tek mi dwong’ pare, ni twiocwiny ceke ku mwonyolembe ma jumwonyo hai ku mutoro:

Jukolosai 1:24

Nie anyong’a nega i masendi m’asendra ko piwu, man appng’o gin maka para mi masendi pa Kristu m’urem i ring’kuma pi kume, ma en e kanisa;

1 Jutesaloniki 3:7

kum lembe nini, umego, wajukra piwu i mono mwa ku ruvwa mwa ni kum yioyic mu:

1 Jutesaloniki 5:14

Man w akwayuwu, umego, wujuk ju ma gitimbri rac, wudwok cwiny ju ma cwinygi tek ungo, wujeng ju m’ubedo ng’ic, wubed ku mwonyolembe ma jumwonyo hai yo ba dhanu ceke.

1 Timoteo 2:15

ento juwondo dhaku e m’upodho i dubo: ento ebiboth ku nyolo nyodo, tek gibedo asu ku yioyic ku mer ku dwokrileng’ ku bedonger bende.

1 Timoteo 4:6

Tek ipoyo umego pi ginduni, meca ibidoko jatic ma ber pa Kristu Yesu, ibidoko tek i lembe mi yioyic, man mi lem ponji ma ber m’ibelubo toke cil eni:

1 Timoteo 6:11

Ento in re, in i dhanu pa Mungu, ring gini; man ilub peri tok bedopwe, ku bedo ma ayi Mungu ni kume, ku yioyic, ku mer, ku twiocwiny, ku molcwiny.

2 Timoteo 1:8

Ka kumeno lewic kud unegi kum lembatuca pa Rwoth mwa, kadi i kuma de m’a jakol pare: ento dong’ ibed jacir masendi ma wok kum lembanyong’a ma juboth ko calku tego pa Mungu;

2 Timoteo 2:24

Man ke jamiru pa Rwoth maku kud edhau, ento ebed yo ni dhanu ceke, ku ng’eyo rieko mi ponji, ku reyo lembe de i tielo,

2 Timoteo 4:5

Endre dong’ ibed nger kum gin ceke, muli ku can, tim tic pa jayer lembe, keth tic peri timbre kakare.

Juebrania 12:1

Ka kumeno dong’ wan bende, kum afuru mi jumulembe ma dit ma kumeni betiekowa, wawenyu ter ma pek kubang’e kubang’e, ku dubo ma rubowa tho tho kumeni, man dong’ waringu ku twiocwiny i kwaya ma juketho i wang’wa,

Lembanyutha 1:9

An a Yohana, m’umegwu man jarib wakudu i masendi ku ker ku twiocwiny ma gini i Yesu, nwang’u ani i cula ma julwong’o Patmo, kum lembe pa Mungu man kum lembatuca pa Yesu.

Lembanyutha 3:10

Kum igwoko lembe mi twiocwiny para, an bende abigwoki ni saa mir abidhe, saa maeno ma bibino wi ng’om ngung’, nimulo i ju m’ubedo wi ng’om.