Ento kara ku waketh gikier, cidh i nam, ibol gol de, man ijak rec m’ular uwok; kan iyabu dhoge de, ibinwang’u sente; iting’ maeno, imi igi kakara wakudi de.
man bodho mwa maeni kende ngo ma jumaru cayu; ento hekalu mir Artemi ma mungu ma nyaku ma dit bende jubidwoke doko mananu, jubikabe woko ku kadwong’ pare ma naka Asia ku ng’om ceke girwo i bang’e.
Ka kumeno ku wapoku lembe kendo ma nia ng’atuman upok lembe wi wadi man wi wadi: endre ma sagu wupok lembe mae, nia ng’atu moko kud uketh gin ma redho jo i yo p’umin, kadi kaka ma jupodho i ie.
Tek jumange gibedo ku tego maeni i wiwu, wabedo kumeno ma sagu ngo? Ento watimo ku tego maeni ngo, endre wamula ku gin ceke, kara ku wacer lembanyong’a ma juboth ko pa Kristu.
Kum kulula mwa e eni, lembatuca mi pidocwiny mwa, nia i leng’cwiny man cwiny ma abombi mbe i ie pa Mungu, i rieko mi kum de ngo endre i bero pa Mungu, watimbra giwa i ng’om, ma sagu dit yor i beng’wu.