2 Jukorinto 5:1 - The Holy Bible In Alur (Lur) Revised Orthography

¹ Kum wang’eyo nia tek ot ma ku ng’om mi hema mwa loi, wabedo ku giragoma m’uai ba Mungu, en e ot ma jutimo ku cing’ ungo, ma nja ku nja, i polo.

2 Jukorinto 5:1 ပူးပေါင်းရင်းမြစ်များ

Thangambere 3:19

ibicamu kwen ku kwok i weng’i, cil m’ibidok ko ba ng’om; kum juwodhi kud i ie: kum in i utur, man ibidoko ni utur.

Kitabu Pa Yob 30:22

Iting’a malu ba yamu, man iketho awotho i wie; Man iketho aloi i wavuvu.

Kitabu Pa Yob 4:19

Ju m’ubedo i udi mir ulobo sagu dit mire, Ma thepiny migi ni i utur, Ma junyonogi calu abirbir.

Zaburi 56:9

Judegina bilund dok cen i nindo m’alwong’o: Maeni ang’eyo, nia Mungu en e jabang’a.

Isaya 38:12

Judaku kabedo para, man jutere cen kud i bang’a calu hema pa jakwac: Adolo kwo para calu jacwibongu; ebikaba woko ku ba jamcwic: Ugambre dieceng’ cil diewor ibijiga.

Marko 14:58

Wawinjo ewacu kumae, Abinyotho hekalu maeni ma jugomo ku cing’, man i ceng’ adek abigomo mange ma jutimo ku cing’ ungo.

Tic Mi Jukwenda 7:48

Ento Ng’atu ma Malu Ngbir bedo i udi ma jugomo ku cing’ ungo; calu yang’ jabila wacu kumae,

1 Jukorinto 3:9

Kum wan wa jutic ma watimo karacelo waku Mungugi: wun wu girafura pa Mungu, wu giragoma pa Mungu.

2 Jukorinto 4:7

Ento wabedo ku piny m’akana maeni i agulu mir ulobo, kara dwong’ m’apila mi tego maeni ubed pa Mungu, man m’uai i bang’wa giwa re ngo;

2 Jukorinto 5:4

Kum andha wan ma wani i hema maeni wacur acura, ma jubenurowa; ma nia wayenyo jukab ko kendi mwa ngo, ento wayenyo nia jurony kud i wie, kara mi tho nini umwonjre ku kwo.

Jukolosai 2:11

i ie de jutimo yaa i kumwu bende ku yaa ma jutimo ku cing’ ungo, i roc ma kum mi ring’kum roc ko, i yaa pa Kristu;

2 Timoteo 1:12

Kum lembe nini abemula ku can kum giki maeni bende: endre lewic ubenega ngo; kum ang’eyo ng’atu m’ayio, man ang’eyo andhandha nia ecopo gwoko lembe m’aketho i kore cil i ceng’ maeca.

Juebrania 11:10

kum ekio adhura maeni m’ubedo ku kathere, ma jagomne ku jatimne en e Mungu.

Juebrania 9:11

Ento Kristu m’udaru bino ni jalam ma dit mi gin ma ber ma bibino, ni kum hema ma dit ma bedo cu de m’usagu, ma jutimo ku cing’ ungo, thelembene kumae, mi giracwia maeni ngo,

Juebrania 9:24

Kum Kristu kumondo i kamaleng’ ma jutimo ku cing’ ungo, ma calu ayi mi mandha; endre i polo gire, kara ewok kawono i wang’ Mungu piwa:

1 Petro 1:4

ni camupacu ma nyothre ngo, ma cido de ngo, ma duny woko de ngo, ma jukanu iwu i polo,

2 Petro 3:11

Kum giki maeni biloi ceke kumeni, maku wubed dhanu ma kothwu nenedi? ku bedo ceke ma leng’ man bedo ma ayi Mungu ni i kume,

1 Yohana 3:14

Wang’eyo nia waai i tho wamondo i kwo, kum wamaru umego. Ng’atu m’umaru ngo bedo i tho.

1 Yohana 3:19

Kum maeni wabing’eyo nia wan wa mi lemandha, man wabiketho adundewa kwio i wang’e:

1 Yohana 3:2

Jumer, kawono wa nyithindho pa Mungu, endre fodi enyuthre ngo nia wabibedo ni ang’o. Wang’eyo nia, tek ebinyuthre, wabibedo calkude; kum wabinene cil calu ebedo.