2 Jukorinto 4:8 - The Holy Bible In Alur (Lur) Revised Orthography

⁸ judiowa yo kun ku kun ceke, ento rititi re ngo; cwinywa ng’abre, endre cwinywa kuai ungo;

2 Jukorinto 4:8 ပူးပေါင်းရင်းမြစ်များ

Zaburi 129:2

Wang’ udul gisenda ugambre kum ara du para: Ento giloya ngo.

Zaburi 37:33

Yehova biweke i cinge ngo, Kadi ebigonje ngo kinde ma lembe pare pokre.

Lembrieko 14:26

Genogen ma tek ni i lworo Yehova; Man nyithindho pare bibedo ku karingo.

Lembrieko 18:10

Nying’ Yehova en e ot ma tek ma wiu; Won bedopwe ringo i ie, e ebedo museme.

Isaya 40:31

ento ju m’ukuro Yehova tego ma nyen bidwogo igi; gibituk ku bomb ma calu acur: gibiringo, e gibiol ungo; gibiwotho, e gibivoc ungo.

Habakuk 3:17

Kum kadok yendubolo bithiwo ngo, Kadok nyingulok de bibedo mbe kum ulok; Kadok tic mir ulam de bijwik, Man pothi bicego cemo moko ngo; Udul rombe de bithumbre woko kud i kwac. Man dhok bibedo mbe i dwol:

Yohana 14:18

Abiwekowu rwa ngo: abino i beng’wu.

1 Jukorinto 10:13

Abidhe moko mbe m’uwok i kumwu ma jukucop bedo ko ngo; ento Mungu en e mandha, m’ebiyio ngo y a jubidhwu ma sagu ma wucopo bedo ko: ento karacelo kud abidhe nica ebiketho yojboth bende, kara wucopo cire.

2 Jukorinto 12:10

Kum kumeno anyong’a nega i ng’ic, i acidi de, i can piny, i ragedo, i can m’alimo, ni kum Kristu: kum kinde ma a ng’ic, kinde maeca a tek.

2 Jukorinto 6:12

Wubedo arida i iwa ngo, ento wubedo arida i iwu giwu.

2 Jukorinto 6:4

endre wabefoira giwa i gin ceke, calu jutim pa Mungu, i twiocwiny ma dit, kud i can, ku can piny m’unegowa, ku lem ma tek,

2 Jukorinto 7:5

Kum cil ma wawok i Makedoni kumwa kwio ngo, endre junyayu can i iwa yo kun ku kun ceke; yo woko lwiny, yor i ic ke lworo.

Jugalatia 4:20

ento nwang’u ayenyo nia wabed wakudu kawono, man alok dwanda; kum cwinya bedo jiji i kumwu.

1 Samwil 28:15

E Samwil uwacu ni Saul kumae, Isenda nedi, m’iting’a ko malu e? E Saul uloko lembe kumae, Cwinya ng’abre dit; kum Jufilisti uting’o lwiny i kuma, man Mungu ai i bang’a, eloko lembe de ira kendo ngo, kadok ku jubila, kadok ku lek: ka kumeno alwong’i, kara iketh ang’ei gin m’abitimo.

1 Samwil 30:6

Man cwiny Daudi ng’abre dit; kum dhanu giyero pi canye ku kidi, kum can unego ng’eyong’ec mi dhanunegi ceke, ku ba dhanu ceke ng’atuman pi wote man pi nyige: ento Daudi udwokre gire tek ni kum Yehova Mungu pare.

1 Samwil 31:4

E Saul ulund uwacu ni jayei jambali pare kumae, Wodh palamularu peri, man idhuya kudo, kara ju maeni ma yaa mbe i kumgi ku gibin gidhuya man gisenda. Ento jayei jambali pare yio ngo; kum lworo nege dit. Ka kumeno Saul ugamu palamularu pare, man epodho i wie.