2 Jukorinto 4:4 - The Holy Bible In Alur (Lur) Revised Orthography

⁴ i joca mungu mi ng’om maeni yutho wang’ pidoic mi ju ma juyic ungo, kara der mi lembanyong’a ma juboth ko mi dwong’ pa Kristu, ma en e ayi Mungu kud uler igi.

2 Jukorinto 4:4 ပူးပေါင်းရင်းမြစ်များ

1 Ubimo 22:22

E Yehova wacu ire kumae, Kud ang’o? Man ewacu kumae, Abiwok woko, man abibedo ni tipo mi ndra i dhu jubila pare ceke. Man ewacu kumae, Ibibidhe, man ibisagu bende: cidhi, man itim kumeca.

Zaburi 50:2

Kud i Sayuni, ma en e leng’ ma njwa, Mungu rieny.

Isaya 6:10

Dwok adunde dhanu maeni mio, man dwok ithgi pek, man mi wang’gi; gimaru neno ku wang’gi, man gimaru winjo ku ithgi, man gimaru ng’eyo ku cwinygi, man gimaru lokri kendo, man gimaru cangu.

Matayo 13:22

E maeni ma jucoyo kind ukudho, maeni en e ng’atu m’uwinjo lembe; e giki m’i ng’om, kud awondi mi lonyo, gideyo lembene, e ecego nyinge ngo.

Yohana 1:14

Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

Yohana 1:18

Ng’atu moko mbe ma foduneno Mungu nindo moko; Wode kulong’, m’eni i kor Wego, enyuthe.

Yohana 12:31

Kawono pokolembe mi ng’ombuni nuti: kawono jubibayu jadit mi ng’ombuni woko.

Yohana 12:35

Ka kumeno Yesu wacu igi kumae, Fodi der ni i kindwu nindo ma nok. Wuwoth ma fodi der ni i beng’wu, kara mudho kud urubwu: man ng’atu ma wotho i mudho ng’eyo ka m’ecidho i ie ngo.

Yohana 12:40

Ecido wang’gi, edwoko adundegi nwang’; Kara ku ginen ku wang’gi, ku ging’ei kud adundegi, Ku gilokri de, an de kud acanggi.

Yohana 12:45

Ng’atu m’ubenena, meca ebeneno ng’atu m’uora.

Yohana 14:30

Wabiweco wakudu hai ngo, kum jadit mi ng’om ubebino: gin moko m’ebedo ko mbe i ia;

Yohana 15:24

Tek atimo tic i kindgi ngo ma ng’atu mange mbe ma fodutimo, kuno di dubo migi mbe: ento kawono gidaru nena gidaga de waku Vwa.

Yohana 16:11

pi pokolembe, kum lem pa jadit mi ng’ombuni daru pokre.

Yohana 8:12

Yesu lund uyero igi kendo, ewacu kumae, An a der m’i ng’om; ng’atu m’ulubo ng’eya biwotho i mudho ngo, ento ebibedo ku der mi kwo.

Tic Mi Jukwenda 26:18

niyabu wang’gi, kara gilokri kud i mudho giwok i der man kud i tego pa Jok ba Mungu, kara ginwang’ ruc mi dubo, man camupacu kind ju ma judwokogi leng’ ni kum yioyic ma ni kuma.

Tic Mi Jukwenda 26:23

nia Kristu bikosendre be, nia ebilar nyutho der ku cer ma kind ju m’utho ni dhanu ku Thekdhanumange.

1 Jukorinto 10:20

Ento awacu, nia gin ma Thekdhanumange gilamu, meca gilamu ni pajogi, ni Mungu ngo: man ayenyo ngo ya wuribru ku pajogi.

2 Jukorinto 2:11

kara Jok kud unwang’ kuloka i wiwa: kum wan wacobo ngo kum pidoic pare.

2 Jukorinto 2:12

Nie kinde m’abino Troa pi lembanyong’a pa Kristu ma juboth ko, man kinde ma dhugola yabre ira i Rwoth,

2 Jukorinto 3:11

Kum tek maeno m’ubekadhu woko no bedo ku dwong’, m’udong’ no e m’ubedo i dwong’ ma sagu apila.

2 Jukorinto 3:14

endre pidoic migi bedo nwang’: kum cil i ceng’ maeni nini ku som ma jusomo ko lembariba ma con bongu nica fodubedo kakare, m’ebenyuthre igi ngo nia lembariba ma con ukabre woko ni kum Kristu.

2 Jukorinto 3:18

Ento wan ceke, ma bongu mbe i wang’wa ma wabeneno dwong’ pa Rwoth calu i kieu, e walokra wadoko calu ayi maeni m’uai i dwong’ utundo de i dwong’, cil calu m’eai ba Rwoth ma Tipo.

2 Jukorinto 4:6

Kum en e Mungu m’uwacu kumae, Der birieny kud i mudho, m’edaru rieny i adundewa, kara emi der mi ng’eyong’ec mi dwong’ pa Mungu i wang’ Yesu Kristu.

Jugalatia 1:4

m’umire gire kum dubo mwa, kara elarwa kud i rundi maeni ma rac ma kawono, calu i Mungu mwa ma Wegwa yenyo:

Juefeso 2:2

ma naka wuwotho i ie calku kura mi ng’om maeni, calku jadit mi tego mi lietho, mi tipo ma kawono ubetimo i wot juco;

Juefeso 6:12

Kum anyego mwa en e kum ring’kum ku rimo de ngo, endre kum ker, kum tego, kum jubim mi mudho mi ng’om maeni, kum udul tipo mi dubo i ka mi polo.

Jufilipi 2:6

en, ma nwang’u e Mungu ku kite ngi, kud i wang’e bedo ma jubedo ko ro ku Mungu en e gin ma juketho cwiny i kume ngo kara jubed ndhu kude,

Jukolosai 1:15

ma en e ayi Mungu ma nen ungo, kayu mi giracwia ceke pa Mungu;

Jukolosai 1:27

e ebedo ber ni Mungu ya eketh ging’ei karamb lonyo mi dwong’ mi giramung’a maeni i kind Thekdhanumange, ma en e Kristu i iwu, genogen mi dwong’:

1 Timoteo 1:11

calku lembanyong’a ma juboth ko mi dwong’ pa Mungu ma Jamugisa, ma juketho i kora.

Tito 2:13

ma wabekio ko genogen mi mugisa man nyuth mi dwong’ pa Mungu ma dit ma Jalar mwa Yesu Kristu;

Juebrania 1:3

en m’e car m’ucare mi dwong’ pare, man en e ayi mi kit kume, man gin ceke thiere ni kum lembe mi tego pare, kan etimo lwok mi dubo, ejany piny yo ku cing’ ma yor acwic mi Dwong’ ka ma malu;

Juebrania 6:4

Kum pi ju ma jumio igi der wang’ acel, man m’ubilo giramia maeni m’i polo, man juketho gibed jugam mi Tipo Maleng’,

2 Petro 1:19

Man wabedo ku lembila ma judwoko tek ma sagu; ka kumeno wutimo dre kum wuketho cwinywu kum lembene, calu ni thala m’uberieny i ka ma col, rama piny ru ko, man cerojobi wok i adundewu:

1 Yohana 2:11

Ento ng’atu m’udagu umin eni i mudho, ewotho de i mudho, eng’eyo de ngo ka m’ecidho i ie, kum mudho cido wang’e.

1 Yohana 2:8

Kendo, agoro iwu cik ma nyen, ma ginde andha i ie man i iwu; kum mudho bekadhu woko, der mandha de berieny kawono.

1 Yohana 5:19

Wang’eyo nia wa pa Mungu, man ng’om ngung’ de vuto i ng’atu ma rac.