2 Jukorinto 3:6 - The Holy Bible In Alur (Lur) Revised Orthography

⁶ en bende m’eketho waromo calu jutim mi lembariba ma nyen; mi nyiguta ngo, ento mi tipo re: kum nyiguta nego, endre tipo mio kwo.

2 Jukorinto 3:6 ပူးပေါင်းရင်းမြစ်များ

Yeremia 31:31

Nen, ceng’ ubino, Yehova wacu, nia abitimo lembariba ma nyen ku ot mir Israel, man ku ot mi Yuda:

Matayo 13:52

Man ewacu igi kumae, Ka kumeno ku ba jugorcik nzu ma judwoke jalub mi ker m’i polo e calu ng’atu ma won ot, m’ewodho woko kud i kind piny pare m’akana giki ma nyen ku giki m’uti.

Matayo 26:28

kum maeni rimba mi lembariba, m’uthwogre pi dhanu dupa ni ruc mi dubo.

Marko 14:24

Man ewacu igi kumae, Maeni rimba mi lembariba, m’uthwogre pi dhanu dupa.

Luka 22:20

Kikombe de kumeca yo ng’ei cemo mir uthieno, ewacu kumae, Kikombe maeni en e lembariba ma nyen i rimba, cil maeno m’uthwogre woko piwu.

Yohana 5:21

Kum calu Wego ting’o ju m’utho, man emio igi kwo, e Wod bende mio kwo ni ju m’eyenyo kumeno.

Yohana 6:63

En e tipo ma mio kwo; kum kulokane mbe: lembe m’adaru yero iwu gi tipo, gi kwo de.

Jurumi 1:5

ma ni kume wanwang’u bero man kwenda, ni woro mi yioyic i kind thek ceke, pi nyinge;

Jurumi 3:20

kum ni kum tic mi cik ng’atu moko mbe ma lembe m’i wie bigonjre i wang’e; kum ng’eyong’ec mi dubo wok ni kum cik.

Jurumi 4:15

kum cik timo kwinyo; ento ka ma cik umbe i ie, e kadhukuwicik de mbe.

Jurumi 4:17

(calu egore kumae, Aketho ibed wego mi thek dupa) i wang’e en m’eyio, en e Mungu, m’emio kwo ni ju m’utho, man elwong’o gin m’umbe, calu ginuti.

Jurumi 7:6

Ento kawono wabedo agonya ni cik, kum wadaru tho ni maeno m’ucerowa; kum kumeno watimo i nyen mi tipo, man mi nyiguta ma con ungo.

Jurumi 8:2

Kum cik mi Tipo mi kwo i Kristu Yesu ugonya kud i cik mi dubo man mi tho.

1 Jukorinto 11:25

Eting’o kikombe bende kumeca, yo ng’ei cemo mir uthieno, ewacu kumae, Kikombe maeni en e lembariba ma nyen i rimba: wrutim maeni, ku ba madhu ceke ma wumadhe, i poi ma pira.

1 Jukorinto 12:28

E Mungu ketho moko i kanisa, ma kwong’ane jukwenda, mir arionde jubila, mir adege ke juponji, macen ke tego mi musana, macen ke giramia mi keyo kum, man konyokony, ku bimobim, ku dhok ma tung’.

1 Jukorinto 15:45

Egore kumeno bende kumae, Ng’atu ma kwong’a ma Adamu doko ni ng’eyong’ec ma kwo. Adamu macen udoko ni tipo ma mio kwo.

1 Jukorinto 3:10

Calku bero pa Mungu ma jumio ira, acaku there ve jabodho ma riek m’ugomo ot; ng’atu mange de begomo yor i wie. Ento wek ng’atuman unen cu ram ebegomo ko yor i wie.

1 Jukorinto 3:5

Ka kumeno Apolo en e girang’o? man ke Paolo de en e girang’o? Gi jutim ma wuyio ni kumgi; man dhanu ceke kubang’gi kubang’gi ng’atuman bedo ko calu Rwoth umio ire.

2 Jukorinto 11:23

Gin gi jutim pa Kristu? (Ayero calu abelu) an e m’asagu; i tic m’amula ko ma sagu dit, i kol ma sagu dit, ku wang’ goc ma kaporne mbe, i tho wang’ udul.

2 Jukorinto 3:14

endre pidoic migi bedo nwang’: kum cil i ceng’ maeni nini ku som ma jusomo ko lembariba ma con bongu nica fodubedo kakare, m’ebenyuthre igi ngo nia lembariba ma con ukabre woko ni kum Kristu.

2 Jukorinto 3:3

ma juketho enyuthre ya wun wu waraga pa Kristu, ni kum tim ma watimo, ma jukugoro ku vino ngo, endre ku Tipo pa Mungu ma kwo; ku ban mi kidi ngo, ento i ban ma adunde mi ring’kum.

2 Jukorinto 3:7

Ento tek timotim mi tho, ma i nyiguta, ma jutong’o i kidi, uwok ku dwong’, ketho ya nyithindho pa Israel gicopo neno wang’ Musa tel ungo ni dwong’ mi wang’e; ma dwong’ne bekadhu woko:

2 Jukorinto 3:9

Kum tek timotim mi pokolembe rac dwong’ne nuti, e timotim mi bedopwe dwong’ne sagu dit.

Jugalatia 3:21

Ka kumeno cik ujai kum lembang’ola pa Mungu? Awene: kum tek cik umire ma copo ketho kwo, meca bedopwe copo bino ni kum cik andha.

Juefeso 2:1

E wun eketho wukwo, ma nwang’u wun avu ni kum kier mu ku dubo mu,

Juefeso 2:5

cil ma fodi wan avu ni kum kier mwa, eketho wakwo karacelo ku Kristu (wuboth ni kum bero),

Juefeso 3:7

ma judwoka jatimne, calku giramia mi bero maeno pa Mungu m’umire ira calku tim m’etimo mi tego pare.

Poi Mi Cik 27:26

Kwong’ ubed wi ng’atu m’ukwero ketho lembe mi cik maeni ucungi kara etimgi. E dhanu ceke biwacu kumae, Amen.

1 Timoteo 4:6

Tek ipoyo umego pi ginduni, meca ibidoko jatic ma ber pa Kristu Yesu, ibidoko tek i lembe mi yioyic, man mi lem ponji ma ber m’ibelubo toke cil eni:

2 Timoteo 1:11

kum lembe nini juketha ni jayer lembe, man jakwenda, man japonji bende.

Juebrania 12:24

man ni Yesu ma jarib mi lembariba ma nyen, man ni rimo ma akira ma yero ber ma sagu pa Habil.

Juebrania 13:20

Nie Mungu mi kwiocwiny, m’ekelo jakwac ma dit mi rombe kendo m’ecer ku kind ju m’utho ni kum rimo mi lembariba mi nja, en e Rwoth mwa ma Yesu,

Juebrania 7:22

m’usagu bende Yesu doko mukwatu mi lembariba ma ber m’usagu.

Juebrania 8:13

Kum ewacu kumae, Lembariba ma nyen, eketho ma kwong’a ti. Ento maeno ma kare bekadhu man m’ubeti e ceng’ni kadhu woko.

1 Petro 3:18

Kum Kristu bende sendre kum dubo wang’ acel pii, won bedopwe pi weg gondri, kara ekelwa ba Mungu; ma junege i kum, ento judwoke kwo i tipo;

1 Yohana 1:1

Maeno ma nuti ugambre ku kwong’a, maeno ma wawinjo, maeno ma waneno ku wang’wa, maeno ma waneno tel, ma cingwa de mulo, pi Lembe mi kwo