2 Jukorinto 3:3 - The Holy Bible In Alur (Lur) Revised Orthography

³ ma juketho enyuthre ya wun wu waraga pa Kristu, ni kum tim ma watimo, ma jukugoro ku vino ngo, endre ku Tipo pa Mungu ma kwo; ku ban mi kidi ngo, ento i ban ma adunde mi ring’kum.

2 Jukorinto 3:3 ပူးပေါင်းရင်းမြစ်များ

Zaburi 40:8

Anyong’a nega kum timo yeny m’iyenyo, E Munguna; Eyo, cik peri ni yor i adundena.

Zaburi 42:2

Rieu nego ng’eyong’ec para pi Mungu, pi Mungu ma kwo: Abibino awene m’anen ko wang’ Mungu?

Zaburi 84:2

Ava lelagang’ pa Yehova nego ng’e yong’ec para, eyo, evoc pire; Adundena ku ring’kuma giwer ni mutoro ni Mungu ma kwo.

Ai 24:12

Man Yehova wacu ni Musa kumae, Idh malu i bang’a wi got, man ibed keca: man abimio iri bankidi, ku cik man lembang’ola, m’a goro, kara iponjgi.

Ai 31:18

Man emio ban ario mi lembatuca ni Musa, ban mi kidi, m’ubedo agora ku lwet Mungu, kinde m’edaru weco kude wi got Sinai.

Ai 32:15

E Musa lokre, man eloro piny ku wi got, ku bankidi ario mi lembatuca i cinge; bankidi ma jugoro wi ng’ete kun ku kun; jugorogi wi ng’ete acel man wi ng’ete mucelo.

Ai 34:1

E Yehova wacu ni Musa kumae, Pai bankidi ario calu ma kwong’a: man abigoro lembe m’ukoubedo wi bankidi ma kwong’a, m’ituro.

Lembrieko 3:3

Bedober ku lemandha kud uweki: Dhokgi i ng’uti; Kieugi wi ban mir adundeni:

Lembrieko 7:3

Twigi wi lweti; Kieugi wi ban mir adundeni.

Yeremia 10:10

Ento Yehova en e Mungu mandha; en e Mungu ma kwo, man Ubimo mi nja: ng’om yengre ni kwinyo pare, man thek copo ciro ng’ecwiny pare ngo.

Yeremia 17:1

Dubo pa Yuda kieure ku kalamu mi nyunyu, man ku lak kidi ma tar ma rieny: eng’ikre wi ban mir adundegi, man wi tung pemblam migi;

Yeremia 31:33

Ento maeni lembariba m’abitimo ku ot mir Israel yo ng’ei ceng’ maeca, Yehova wacu: Abiketho cik para i igi, man abikiewe i adundegi; man abibedo Mungu migi, e gibibedo dhanu para.

Ezekiel 11:19

Man abimio igi adundegi acel, man abiketho tipo ma nyen yor i iwu; man abikabu adunde mi kidi kud i ring’kumgi, man abimio igi adunde mi ring’kum;

Daniel 6:26

Atimo cik, nia i bimobim ceke mi ker para kum dhanu miel man lworo neggi i wang’ Mungu pa Daniel; kum en e Mungu ma kwo, man ebedo tek mi nja, ker pare de en e ker ma binyothre ngo; bimobim pare de bibedo cil i kajikne.

Matayo 16:16

E Simon Petro loko lembe ewacu kumae, In i Kristu, Wod Mungu ma kwo.

1 Jukorinto 3:5

Ka kumeno Apolo en e girang’o? man ke Paolo de en e girang’o? Gi jutim ma wuyio ni kumgi; man dhanu ceke kubang’gi kubang’gi ng’atuman bedo ko calu Rwoth umio ire.

2 Jukorinto 3:6

en bende m’eketho waromo calu jutim mi lembariba ma nyen; mi nyiguta ngo, ento mi tipo re: kum nyiguta nego, endre tipo mio kwo.

2 Jukorinto 3:7

Ento tek timotim mi tho, ma i nyiguta, ma jutong’o i kidi, uwok ku dwong’, ketho ya nyithindho pa Israel gicopo neno wang’ Musa tel ungo ni dwong’ mi wang’e; ma dwong’ne bekadhu woko:

2 Jukorinto 6:16

Ribri manedi ma hekalu pa Mungu giribri ko gikud ayi gin m’acwia? kum wan wa hekalu pa Mungu ma kwo; cil calu Mungu wacu kumae, Abibedo i igi, man abiwotho i igi; man abibedo Mungu migi, man gibibedo dhanu para.

1 Jutesaloniki 1:9

Kum joni giyero piwa gigi pi mondo mwa m’i beng’wu maram ebedo ko; man ke maram wulokru ko ni Mungu ku kum ayi gin m’acwia, kara wutim ni Mungu ma kwo mandha de,

Juebrania 10:16

Maeni en e lembariba m’abitimo kugi Yo ng’ei ceng’ maeno, Rwoth uwacu: Abiketho cik para wi adundegi, Man abigorogi wi pidoic migi bende;

Juebrania 8:10

Kum maeni lembariba m’abitimo ku ot pa Israel Yo ku ng’ei ceng’ maeno, Rwoth uwacu; Abiketho cik para i pidoigi, Man abigorogi wi adundegi bende: Man abibedo igi ni Mungu, Man gibibedo ira ni dhanu:

Juebrania 9:14

e rimb Kristu, m’ewodhre gire ma mulima mbe ni Mungu kum Tipo Maleng’ ma nja, bilwoko pidocwinywu ni tic m’utho kara wutim ni Mungu ma kwo sagu dit apila ngo?

Yocuwa 3:10

Man Yocuwa wacu kumae, Wubing’eyo nia Mungu ma kwo ni i kindwu ni kum maeni, man nia ebiweko riemo Jakanani, man Jahiti, ku Japerizi, man Jagirgaci, ku Jaamori, man Jayebusi woko kud i weng’wu ngo.

Lembanyutha 2:1

Ni malaika mi kanisa ma ni i Efeso kieu kumae: Ng’atu m’umaku cero abiro i cinge ma yor acwic, en e ng’atu m’uwotho i kind thethala abiro mi mola ma kwar ewacu gin maeni kumae:

Lembanyutha 2:12

Man ni malaika mi kanisa ma ni i Pergamo kieu kumae: Ng’atu m’ubedo ku palamularu ma lake bith kun ku kun uwacu gin maeni:

Lembanyutha 2:18

Man ni malaika mi kanisa ma ni i Thuatera kieu kumae: Wod Mungu, ma nying wang’e va lebmac, tiende de calu mola m’urieny, uwacu gin maeni kumae:

Lembanyutha 2:8

Man ni malaika mi kanisa ma ni i Smurna kieu kumae: Ng’atu ma en e ma kwong’a ku ma cen de, m’etho, man ebedo kwo kendo ewacu gin maeni kumae:

Lembanyutha 3:1

Ni malaika mi kanisa ma i Sardi kieu kumae: Ng’atu m’ubedo ku Tipo abiro pa Mungu, man cero de abiro, uwacu gin maeni: Ang’eyo tic peri, nia nyingi nuti ya ibedo kwo, enke in avu.

Lembanyutha 3:14

Man ni malaika mi kanisa m’i Laodikia kieu kumae: Ng’atu ma Amen, m’e jamulembe mandha ma andha de, m’e thangambere mi giracwia pa Mungu, ewacu gin maeni:

Lembanyutha 3:22

Ng’atu ma ithe nuti, dong’ ewinj gin ma Tipo yero ni kanisa.

Lembanyutha 3:7

Man ni malaika mi kanisa ma i Filadelfia kieu kumae: Ng’atu m’e leng’, ng’atu ma en e andha, ng’atu ma kifungula pa Daudi ni i bang’e, ng’atu ma yabu man ng’atu moko mbe ma ciko, ma ciko de man ng’atu moko mbe ma yabu, uwacu gin maeni:

1 Samwil 17:26

E Daudi yero ni dhanu m’ucungo i vute, ewacu kumae, Jubitimo ang’o ni ng’atu m’unego Jafilisti maeni, man ekabu cac woko ku wi Israeli? kum Jafilisti maeni ma jutimo yaa ngo i kume en e ng’a, ma nia ecayu njuru asikari pa Mungu ma kwo e?