2 Jukorinto 3:18 - The Holy Bible In Alur (Lur) Revised Orthography

¹⁸ Ento wan ceke, ma bongu mbe i wang’wa ma wabeneno dwong’ pa Rwoth calu i kieu, e walokra wadoko calu ayi maeni m’uai i dwong’ utundo de i dwong’, cil calu m’eai ba Rwoth ma Tipo.

2 Jukorinto 3:18 ပူးပေါင်းရင်းမြစ်များ

Zaburi 84:7

Gicidho ba tego ugambre kum tego; Ginyuthri kubang’gi ceke i wang’ Mungu i Sayuni.

Yohana 1:14

Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

Yohana 12:41

Isaya wacu gin maeni kum eneno dwong’ pare; man eyero pire.

Yohana 17:22

Man dwong’ m’idaru mio ira amio igi; kara gibed acel, cil calu wan wan acel;

Yohana 17:24

Vwa, ayenyo nia gin bende m’imio ira wabed kugi karacelo ka m’ani ie, kara ginen dwong’ para, m’imio ira: kum imara ma fodi ng’om ku thekre ngo.

Jurumi 12:2

Man kud wuporu ku ng’om maeni: endre wubed ma kothwu lokre ni kum dwoko pidoiwu nyen, kara wung’ei yeny ma Mungu yenyo m’e ber m’e yire de m’e cu ma ndhu de.

Jurumi 13:14

Ento dong’ wurony Rwoth Yesu Kristu, man kud wuyik kaka ni kum, ni awanyane ma rac.

Jurumi 8:29

Kum ju m’elar eng’eyo, elar ekethogi ya gidok calkud ayi Wode, kara ebed kayu i kind umego dupa:

Jurumi 8:4

kara lembang’ola mi cik utimbre kakare i iwa, ma walubo tok kum ungo, endre tok Tipo.

Jurumi 8:7

kum pidoic mi kum en e adegi ku Mungu; kum e wor ungo ni cik pa Mungu, kadok acopa de ecopre ire ngo andha;

1 Jukorinto 13:12

Kum kawono wabeneno i kieu via via; ento macen wabinendra ku wang’wa: kawono ang’eyo kucel; ento macen abing’eyo cu cil calu an bende jung’eya cu.

1 Jukorinto 15:49

Man calu wan wadaru bedo kud ayi maeni mi ng’om, e wabibedo kud ayi maeni mi polo bende.

2 Jukorinto 3:17

Nie Rwoth en e Tipo maeni: man ka ma Tipo Rwoth ni i ie, e gony de nuti.

2 Jukorinto 4:4

i joca mungu mi ng’om maeni yutho wang’ pidoic mi ju ma juyic ungo, kara der mi lembanyong’a ma juboth ko mi dwong’ pa Kristu, ma en e ayi Mungu kud uler igi.

2 Jukorinto 4:6

Kum en e Mungu m’uwacu kumae, Der birieny kud i mudho, m’edaru rieny i adundewa, kara emi der mi ng’eyong’ec mi dwong’ pa Mungu i wang’ Yesu Kristu.

2 Jukorinto 5:17

Kum kumeno tek ng’atu moko ni i Kristu, meca en e giracwia ma nyen: gin ma con udaru kadhu; nen, gidoko nyen.

Jugalatia 6:15

Kum yaa en e gin moko ngo, kadi yaango bende, ento ng’atu ma nyen re.

Jukolosai 3:10

man wuronyo ng’atu ma nyen, m’ubecikudoko nyen ku ng’eyong’ec calu ayi ng’atu m’ucwie:

1 Timoteo 1:11

calku lembanyong’a ma juboth ko mi dwong’ pa Mungu ma Jamugisa, ma juketho i kora.

Tito 3:5

ku tic ma i bedopwe ngo, ma watimo wan, ento calku kisa pare ebodhowa, ni kum lwok mi nyol ma nyen man mi dwokonyen mi Tipo Maleng’,

Yakobo 1:23

Kum tek ng’atu moko e jawinj lembe awinja man e jatim lembe ngo, en e va ng’atu m’ubeneno wang’e ma junyole ko i kieu:

1 Yohana 3:2

Jumer, kawono wa nyithindho pa Mungu, endre fodi enyuthre ngo nia wabibedo ni ang’o. Wang’eyo nia, tek ebinyuthre, wabibedo calkude; kum wabinene cil calu ebedo.