2 Jukorinto 3:16 - The Holy Bible In Alur (Lur) Revised Orthography

¹⁶ Ento kinde ma tek ebilokre ni Rwoth, bongune kabre woko.

2 Jukorinto 3:16 ပူးပေါင်းရင်းမြစ်များ

Ai 34:34

Ento kinde ma Musa mondo i wang’ Yehova kara giwec kude, ekabu bongu woko, maram ewok ko woko; e ewok woko, man eyero gin ma jung’olo ire ni nyithindho mir Israel.

Isaya 25:7

Man ebinyotho wang’ girauma m’uumo kodhidhanu ceke wi got maeni, ku bongu m’auma ma jupedho wi thek ceke.

Isaya 29:18

E i ceng’ maeca ju m’udhing’ biwinjo lembe mi kitabu, man ju ma abinga bineno kud i ka ma col man kud i mudho.

Isaya 54:13

Man Yehova biponjo nyithindho peri ceke; man kwiocwiny mi nyithindho peri bibedo dit.

Yeremia 31:34

Man ku ba dhanu ku ba dhanu ng’atuman biponjo wagi kendo ngo, man ku ba dhanu ku ba dhanu ng’atuman biponjo umin ungo, ma nia giwac kumae, Ng’ei Yehova; kum gin ceke gibing’eya, ugambre kum ma nok m’i kindgi cil kum ma dit m’i kindgi, Yehova wacu: kum abiweko kier migi, man abipoi kendo ngo pi dubo migi.

Ywak 3:40

Wek waponj yo mwa wamul, man walokra kendo ba Yehova.

Jurumi 11:23

Man joca bende, tek gibedo asu ngo i yioyic migi m’umbe, jubiroyogi i ie: kum Mungu copo royogi i ie kendo.

2 Jukorinto 3:15

Ento cil i ceng’ maeni, kinde ma tek jusomo Musa, e bongune umo adundegi.

Poi Mi Cik 30:10

tek ibiworo dwand Yehova Mungu peri, mi gwoko lembang’ola pare ku cik pare m’ukieure i kitabu maeni mi cik; tek ilokri ba Yehova Mungu peri kud adundeni ceke, man ku ng’eyong’ec peri ceke.

Poi Mi Cik 4:30

Kinde m’ini i masendi, man gin maeni ceke wok i kumi, i ceng’ ma cen ibidwogo ba Yehova Mungu peri, e ibiwinjo dwande: