2 Jukorinto 13:5 - The Holy Bible In Alur (Lur) Revised Orthography

⁵ Wumulu giwu, tek wuni i yioyic; wuponjru giwu. Kadi wung’eyo ngo piwu giwu, ya Yesu Kristu ni i iwu? tek ebedo andha ma jukukwerowu ngo.

2 Jukorinto 13:5 ပူးပေါင်းရင်းမြစ်များ

Zaburi 119:59

Ia pido kum yo para, Man aloko yo para ba lembatuca peri,

Zaburi 17:3

Imulo i adundena; iliewa ku diewor; Imulo ia, man inwang’u gin moko ngo; Akeco kud i ia ya dhoga kud udubi.

Zaburi 26:2

Mul ia, E Yehova, man inena; Ponj adundena ku pidoia.

Yeremia 6:30

Dhanu bilwong’ogi usau mola ma tar, kum Yehova kwerogi.

Ywak 3:40

Wek waponj yo mwa wamul, man walokra kendo ba Yehova.

Ezekiel 18:28

Kum ie pido, man elokre cen ni dubo pare m’edubo ceke, ebibedo kwo andha, ebitho ngo.

Hagai 1:5

Ka kumeno kawono Yehova mir udul uwacu kumae: Iwu pid pi yo mu.

Hagai 1:7

Yehova mir udul uwacu kumae: Iwu pid pi yo mu.

Yohana 14:23

Yesu loko lembe ewacu ire kumae, Tek ng’atu moko mara, ebiworo lem para: Vwa de bimare, man wabibino i bang’e wabitimo kabedo mwa de i bang’e.

Yohana 15:4

Wubed i ia, an de i iwu. Calu jange copo cego nyinge gire ngo, tek ebedo kum tiende ngo; wun de kumeno wucopo ngo, tek wubedo i ia ngo.

Yohana 17:23

ani i igi, in de ini i ia, kara giteng’ni i acel; kara ng’om ung’ei nia iora, man imarugi de, cil calu imaru an.

Yohana 17:26

man aketho ging’ei nyingi, man abiketho eng’eire: kara mer m’imara ko bed i igi, an de i igi.

Yohana 6:56

Ng’atu m’ucamu ring’ kuma m’umadhu rimba de ebedo i ia, an de abedo i ie.

Yohana 6:6

Ewacu lembe maeni m’emulo ko ie: kum eng’eyo en gin m’ebitimo.

Jurumi 1:28

Man cil calu gikwero bedo ku Mungu i ng’eyong’ec migi, Mungu kuriogi ni pidoic ma rac, ma gitimo ko gin ma maku ku jutim;

Jurumi 8:10

Man tek Kristu ni i iwu, kum en e avu kum dubo; endre tipo en e kwo kum bedopwe.

1 Jukorinto 11:28

Endre wek ng’atuman ung’i i ie gire, e kan edong’ ecam kwenduni, emadh kum kikombe de.

1 Jukorinto 11:31

Ento tek wang’io i lembe mwa giwa, kuno di jupoko lembe mwa ngo.

1 Jukorinto 3:16

Wung’eyo ngo ya wun wu hekalu pa Mungu, man Tipo Mungu de bedo i iwu?

1 Jukorinto 6:15

Wung’eyo ngo nia kumwu gi wathkum Kristu? abilund kabu wathkum Kristu woko, man abidwokogi ni wathkum dhaku ma won tarwang’i? Awene.

1 Jukorinto 6:19

Kadi wung’eyo ngo ya kumwu en e hekalu pa Tipo Maleng’ ma ni i iwu, ma wubedo ko m’uai ba Mungu? man ke wu mu giwu ngo;

1 Jukorinto 6:2

Kadi wung’eyo ngo nia jumaleng’ bipoko lembe mi ng’omi? man tek wupoko lembe mi ng’om, wuromo ngo ya wupok lembe ma nyanoki?

1 Jukorinto 9:24

Wung’eyo ngo nia ju ma giringo i kwaya ma jubolo giringo ceke, endre ng’atu acel e ma nwang’u sukulia mi sag m’esagu ko? E wuring kumeni; kara wusagi.

1 Jukorinto 9:27

ento afodo kuma, man adwoke ni ng’eca: kuno nyo ku yo moko, ku yo ng’ei yero lembe ni jumange, an nini e ma jubicora cen.

2 Jukorinto 6:16

Ribri manedi ma hekalu pa Mungu giribri ko gikud ayi gin m’acwia? kum wan wa hekalu pa Mungu ma kwo; cil calu Mungu wacu kumae, Abibedo i igi, man abiwotho i igi; man abibedo Mungu migi, man gibibedo dhanu para.

Jugalatia 2:20

An judaru gura waku Kristu; man en e an kendo ngo m’ukwo ento Kristu e m’ubedo i ia; man kwo maeno m’abedo ko i kum akwo i yioyic, yioyic ma ni i Wod Mungu, m’umara, m’umire gire pira.

Jugalatia 4:19

Nyithindho para ma thindho, m’abesendra i kumwu ku masendi ma junyol ko cil maram Kristu bidongo ko i iwu,

Jugalatia 6:4

Ento dong’ ng’atuman ukor i tic pare cu, e kulula bilund nege i kume gire kende, man kum wadi re ngo.

Juefeso 3:17

kara Kristu bed i adundewu ni kum yioyic; kara wun, ma ulegwu daru mondo unyang’ de i mer,

Jukolosai 1:23

tek ebedo kumeno ya wubed i yioyic, ma ulegwu nyang’ ucungo tek de, ma wukucoro cen ungo kum genogen mi lembanyong’a ma juboth ko ma wuwinjo, ma juyero i giracwia pa Mungu ceke the polo; ma an a Paolo judwpka ni jatije.

Jukolosai 1:27

e ebedo ber ni Mungu ya eketh ging’ei karamb lonyo mi dwong’ mi giramung’a maeni i kind Thekdhanumange, ma en e Kristu i iwu, genogen mi dwong’:

Jukolosai 2:19

m’emoko kr ngo kum Wie ma kum dho gamu gin m’ucope i bang’e, m’eribre de karacelo ni kum ujonje ku ler, ebenyai de ku nyai pa Mungu.

Jukolosai 2:7

ma ulegwu nyang’ ma wugombru de i ie, ma wunyang’ i yioyic mu de, cil calu juponjowu, ma wusegru ko i foyofoc bende.

1 Timoteo 2:15

ento juwondo dhaku e m’upodho i dubo: ento ebiboth ku nyolo nyodo, tek gibedo asu ku yioyic ku mer ku dwokrileng’ ku bedonger bende.

2 Timoteo 3:8

Man calu yang’ Yane giku Yambre gijai ni Musa, e joni bende gijai kum lemandha kumeca; co ma pidoic migi nyothre, ma girwinyo ndhu kum yioyic.

Tito 1:13

Lembatuca maeni en e andha. Kum kum lembe nini jukgi ku kwinyo, kara gibed i yioyic m’ulil,

Tito 1:16

Gituco nia ging’eyo Mungu; enke ku tic migi gikwere, gi ju ma judagu, man juco, man ku ba tic ma ber ceke en e gin moko ngo igi.

Tito 2:2

ya co m’uti gidhir wi ava gin ceke, gibed umbe lele, gibed ku pidoic ma nger, ku yioyic m’ulil, ku mari, ku twiocwiny:

Juebrania 12:15

ma wubed ko ku weng’wu kara ng’atu moko kud urem kum bero pa Mungu; kara ulag akece kud uwok m’unyai can i iwu, man uketh dupa gicid ni kume;

Juebrania 4:1

Ka kumeno, dong’ lworo negwa, tek lembang’ola mi mondo i yom pare nuti ku jubin junwang’ ng’atu moko m’i kindwu rem pire.

Juebrania 6:8

ento tek etwio ukudho kud ucok, e jukwere man e ceng’ni ku kwong’; ma kajikne juwang’e ku mac.

Yakobo 4:4

Wun wu weg gier, wung’eyo ngo nia bedo jarimb ng’om en e adegi ni Mungu? Kumeno ng’atu ma tek uyenyo ebed jarimb ng’om nwang’u ekethre gire ni jadegi pa Mungu.

1 Petro 5:9

wujul ni ng’atuca ma wubed ko tek i yioyic mu, ma wung’eyo ko nia sendri ma calcal timbre ni juwedwu ma gini i ng’om.

Lembanyutha 2:5

Ka kumeno poi pi ka m’iai i ie kan ipodho, man ilok cwinyi itim tic ma kwong’a de; tek kumeno ngo abino i beng’i, man abikabu thethala peri woko kud i kakare, tek iloko cwinyi ngo.