2 Jukorinto 11:3 - The Holy Bible In Alur (Lur) Revised Orthography

³ Ento alworo, kuno nyo ku yo moko, calu thwol uboinbo Eva ku rieko pare, e pidoiwu binyothre kud i bedo m’ebedo ma abombi mbe i ie man i leng’ m’e leng’ ko yo ba Kristu.

2 Jukorinto 11:3 ပူးပေါင်းရင်းမြစ်များ

Thangambere 3:1

Nwang’u thwol riek ma sagu yedi mange ceke m’i thim ma Yehova Mungu cwio. Man ewacu ni dhaku kumae, Meno te, Mungu wacu kumae, Kud wucam kum nying’ yen ceke m’i podho?

Thangambere 3:13

Man Yehova Mungu wacu ni dhakune kumae, Maeni ang’o m’itimo? E dhakune wacu kumae, Thwol ubidha en, man acamu.

Thangambere 3:20

E ng’atu ma nicone lwong’o nying’ dhaku pare Eva: kum en e meg dhanu ceke ma kwo.

Thangambere 3:4

Man thwol uwacu ni dhakune kumae, Wubitho andha ngo:

Zaburi 119:53

Kwinyo ma lieth umaka, Kum judubo m’uweko cik peri.

Matayo 24:24

Kum ju ma gi Kristu mi ndra gibiwok, man jubila mi ndra de, man gibinyutho giranyutha ma dit ku musana; kara giwing ko cil ju ma jugoyo wigi de, tek ecopre.

Yohana 8:44

Wun wu pa wegwu ma wonabali, e wuyenyo wutim awanya ma rac pa wegwu. Cil ku kwong’a en e janek, man ecungo ngo i lemandha, kum lemandha mbe i ie. Kan eyero ndra, eyero kum gin m’ebedo ko: kum en e jandra, man e won ndrane.

Jurumi 12:8

kadi ng’atu m’ujuko juk de ni jukojuk pare: ng’atu m’umio de, dong’ etime k’abamba; ng’atu m’ubimo bim de, ebim kud amora; ng’atu ma kisa nege de, enege k’anyong’a.

2 Jukorinto 1:12

Kum kulula mwa e eni, lembatuca mi pidocwiny mwa, nia i leng’cwiny man cwiny ma abombi mbe i ie pa Mungu, i rieko mi kum de ngo endre i bero pa Mungu, watimbra giwa i ng’om, ma sagu dit yor i beng’wu.

2 Jukorinto 11:20

Kum wutwio cwinywu kum ng’atu moko, tek ekelowu ni ng’eca, tek ecamuwu, tek eyakuwu de, tek eyungre gire, tek epadu weng’wu de.

2 Jukorinto 11:29

Ng’a ma ng’ici, ma an a ng’ic ungo? ng’a ma juketho ekier, ma a kuwang’ ungo?

2 Jukorinto 2:17

Kum wan wa calu dupa ngo, ma gibenyotho lem pa Mungu: ento wayero mwa i Kristu, endre calu ma abombi mbe i cwinywa, ento calu pa Mungu i wang’ Mungu.

2 Jukorinto 4:2

ento wadaru kwero giramung’a mi lewic, ma wabewotho ko ku rieko mir awondi ngo, kadi ma wabetimo lembe pa Mungu ku ndra de ngo; ento ku nyuthonyuth mi lemandha ma wabefoira ko ni pidocwiny mi dhanu kubang’gi kubang’gi i wang’ Mungu.

Jugalatia 1:6

Ia wang’ lii ka wuai pio kumeno ba ng’atu m’ulwong’owu i bero pa Kristu wudok ba lembanyong’a ma tung’;

Jugalatia 2:4

ento en e kum umego mi ndra ma jukelo i ie nyalwe, ma gimondo nyalwe nilibo gony mwa ma wabedo ko i Kristu Yesu, kara gidwokwa ni ng’eca:

Jugalatia 3:1

E Jugalatia ma wun adhura, ng’a m’urambuwu, ma juketho Yesu Kristu ma juguro kele i weng’wu?

Jugalatia 4:11

Abelworowu, kuno nyo amula iwu ku tic mananu.

Juefeso 4:14

kara ku wabed nyithindho kendo, ma juthoro ku ku ku ma yamu mi ponji ma tung’ tung’ ting’o mberembere, ku rieko mi dhanu, i riu, tok abombi mi kier;

Juefeso 4:22

pi kura bedo mu ma kwong’a, e dong’ wuketh ng’atu ma con cen, m’umaku top tok awanya ma rac mir abombi;

Juefeso 6:24

Bero bed ba ju m’umaru Rwoth Yesu Kristu mwa ceke ku mer ma nyothre ngo.

Jukolosai 2:18

Ng’atu moko kud umai giragama mi kwaya mu ku yeny ma ie yenyo mi molcwiny ku rwo ma ni malaika de, m’ebedo ndhu i gin m’eneno, m’etingre mananu kum pidoic mi kum,

Jukolosai 2:4

Ayero maeni, kara ng’atu moko kud ubombwu ku lembacung’a mi wec.

Jukolosai 2:8

Wubed ku weng’wu kara ng’atu moko kud udwokwu ni jambayeki ku lembrieko pare man kud abombi mananu, tok lembkei mi dhanu, tok ponji ma kwong’a m’i ng’om, ma ku tok Kristu ngo:

1 Jutesaloniki 3:5

Kum lembe nini an bende, kan acopo twio cwinya kendo ngo, aoro kara ang’ei yioyic mu, kara jabidhe kud ubidhwu ku yo moko, tic ma wamula kudo maru bedo mananu.

1 Timoteo 1:3

Calu ayero iri ikoibed i Efeso, kinde ma fodi abecidho i Makedoni, kara ing’ol lembe ya jumoko kud uponj ponji ma tung’,

1 Timoteo 2:14

man ke jukuwondo Adamu ngo,

2 Timoteo 3:13

Ento dhanu ma rac ku ju ma girambri de gibisagri asaga, gibibombo abombi gin de jubibombogi.

Tito 1:10

Kum dhanu ma juco gi dupa ma gi juwec mananu ku weg abombi, ju ma gi weg yaa ci dit ma kumeno,

Juebrania 13:9

Kud wuyeiru ku ponji ma tung’ tung’ ma naka jukuwinjo pire ngo: kum e ber ya adunde cung ku bero; ku giracama ngo, ma ju ma giwotho i ie ginwang’u kuloka ngo.

2 Petro 3:17

Ka kumeno, jumer, wun ma wular wung’eyo gin maeni, wukuru, kara kier mi dubo kud uwingwu, wupodh de ku kum cungo tek mu.

2 Petro 3:3

ma wung’eyo ko maeni, nia jucac gibibino ku cac i acokaceng’, ma gibelubo tok awanya migi ma rac,

1 Yohana 2:18

Nyithindho ma thindho, maeni en e acoka saa: man calu wuwinjo nia japiem Kristu bebino, e kawono jupiem Kristu dupa daru wok; kum maeni wang’eyo nia en e acoka saa.

1 Yohana 4:1

Jumer, kud wuyi tipo ceke, ento wuponj tipo, tek giai ba Mungu, kum jubila mi ndra dupa cidho nge nge i ng’om.

Yuda 1:4

Kum jumoko nuti ma gimondo nyalwe, gi ju ma yang’ jular jugoro pigi ni gonj maeni ma jugonjo kojo, gi ju ma ayi Mungu mbe i kumgi, ma giloko bero pa Mungu mwa ni awanya ma rac, ma gikwero ko Jadit mwa ma acel kende ma Rwoth, Yesu Kristu.

Lembanyutha 12:15

Man thwol uthwogo pi ma calu kulo kud i dhoge i tok dhakune, kara kulone mole.

Lembanyutha 12:9

Man jubolo ng’ec ma dwong’ piny, en e thwol ma con, en ma julwong’e Wonabali man Jok, en m’e jawondi mi ng’om ngung’; jubole piny i ng’om, man malaika pare de jubologi piny gikugi.

Lembanyutha 20:2

Man emaku ng’ec, ma thwol ma con, ma en e Wonabali ku Jok, man etwie mi rundi rubanga acel,