2 Jukorinto 1:4 - The Holy Bible In Alur (Lur) Revised Orthography

⁴ m’ejukowa i can mwa ceke, kara wacopo juko ju ma gini i can moko, ni kum jukojuk ma Mungu juko ko wan giwa.

2 Jukorinto 1:4 ပူးပေါင်းရင်းမြစ်များ

Zaburi 32:5

Atuco dubo para iri, Man kier para amung’o ngo: Awacu kumae, Abituco camuco para ni Yehova: Man iweko kier mi dubo para.

Zaburi 32:7

In i kapondo para; ibigwoka ni can; Ibitieka ku wer mi both. [Sela.

Zaburi 66:16

Wubin, man wuwinji, wun ceke ma wulworo Mungu, Man abiyero pi gin m’etimo ni ng’eyong’ec para.

Zaburi 86:17

Nyuth ira giranyutha mi bero, Kara ju m’udaga ginene, man lewic umakgi, Kum in, Yehova, ikonya, man ijuka.

Isaya 12:1

Man i ceng’ maeca ibiwacu kumae, Abifoi, E Yehova; kum kadok naka ng’ecwiny negi i kuma, ng’ecwiny peri lokre cen, man ijuka.

Isaya 40:1

Wukwi cwiny, wukwi cwiny dhanu para, Mungu mu wacu.

Isaya 49:10

Kec kadi rieu de binegogi ngo; kadok lietho kadi ceng’ de bigoyogi ngo: kum ng’atu ma kisa nege i kumgi bitelo wigi, ebitelo wigi cil ba kulo mi pi.

Isaya 51:12

An, en c an, an a ng’atu in’ajukowu: in i ng’a, ma lworo nege kum dhanu ma bitho, man kum wod dhanu ma jubidwoko calu lum:

Isaya 51:3

Kum Yehova juko Sayuni; ejuko kar uvuru pare ceke, man edwoko langa pare calu Aden, man ng’omngele pare calu podho pa Yehova; mutoro kud anyong’a binwangre i ie, man foyofoc, ku dwal mi werower.

Isaya 52:9

Wumoj wer mi mutoro, wuwer karacelo, wu kar uvuru mi Yerusalem; kum Yehova juko dhanu pare, ewaru Yerusalem.

Yohana 14:16

Man abikwayu Wego, e ebimio iwu Jajuk mange, kara wubed wukugi nja ku nja,

Yohana 14:18

Abiwekowu rwa ngo: abino i beng’wu.

Yohana 14:26

Ento Jajuk, ma Tipo Maleng’, ma Wego bioro ku nyinga, ebiponjowu ku gin ceke, man ebipoyowu kum lembe ceke m’ayero iwu.

2 Jukorinto 7:13

Ka kumeno wanwang’u juk: man i jukojuk mwa anyong’a negowa dit apila ma sagu kum anyong’a m’unego Tito, kum kewu ceke wudwoko cwinye.

2 Jukorinto 7:4

Tegocwiny mi wec para yor i beng’wu e dit, kulula para m’i kumwu e dit: jukojuk uroma thur, anyong’a de roma hau i can mwa ceke.

Jufilipi 1:14

man nia umego kucel ma dit ma gini i Rwoth, ma ginwang’u tego ni kum kol para, gisagu ku tegocwinygi ku yero lembe pa Mungu ma lworo mbe i kumgi.

1 Jutesaloniki 4:18

Kum kumeno dong’ wujukru ku lembe maeni.

1 Jutesaloniki 5:11

Kum kumeno dong’ wujukxu, man wutengru, cil calu wubetimo bende.

Juebrania 12:12

Kum kumeno ting’ cing’ m’uoi jeble, ku cong m’utho nding’;