2 Jukorinto 1:12 - The Holy Bible In Alur (Lur) Revised Orthography

¹² Kum kulula mwa e eni, lembatuca mi pidocwiny mwa, nia i leng’cwiny man cwiny ma abombi mbe i ie pa Mungu, i rieko mi kum de ngo endre i bero pa Mungu, watimbra giwa i ng’om, ma sagu dit yor i beng’wu.

2 Jukorinto 1:12 ပူးပေါင်းရင်းမြစ်များ

2 Samwil 22:22

Kum agwoko yo pa Yehova, Man adubo ngo ku weko Mungu para.

Kitabu Pa Yob 13:15

Kadok enega; ento abikure asu; Ento abicungo kum yo para i wang’e.

Isaya 38:3

man ewacu kumae, Kawono poi, E Yehova, akwei, maram awotho ko i weng’i ku lemandha man kud adunde ma ndhu cu, man atimo gin m’ubedo ber i weng’i. Man Hezekia ywak mi can.

Tic Mi Jukwenda 23:1

Man Paolo, m’eneno dilo tel, ewacu kumae, Umego, abedo i wang’ Mungu ku pidocwiny ma ber ceke cil i ceng’ maeni.

Tic Mi Jukwenda 24:16

Kum kumeno aponjra gira kara abed ku pidocwiny ma ber m’umbe kier yo ba Mungu ku ba dhanu de thiri thiri.

Jurumi 9:1

Ayero lemandha i Kristu, acwayu ndra ngo, ma pidocwinya de benyutho wakude i Tipo Maleng’,

1 Jukorinto 1:17

Kum Kristu ora ngo ya ami baputisi, ento kara ayer lembanyong’a ma juboth ko: ku rieko mi lembe ngo, yen m’athara pa Kristu maru doko mananu.

1 Jukorinto 12:8

Kum ni ng’atu acel jumio lembe mi rieko ni kum Tipo; ni mange ke lembe mi ng’eyo gitang’eya, calku Tipo maeni nini:

1 Jukorinto 15:10

Ento ni kum bero pa Mungu abedo ku ramba nini: man ke berone m’emia junwangu ebedo mananu ngo: ento amula ku tic ma sagugi ceke: endre an ungo, ento bero pa Mungu m’ubedo kuda re.

1 Jukorinto 2:13

Ginduni bende e ma wayero pire, ku lembe ma rieko mi dhanu beponjo re ngo, endre ma Tipo beponjo re; m’ebetuco lembe mi tipo ni ju ma gi weg tipo.

1 Jukorinto 4:4

Kum ang’eyo lembe moko ngo ma ni i bang’a; ento lembe m’i wia gonjre ni kum lembe maeni ngo: ento ng’atu m’ung’io lembe para en e Rwoth.

1 Jukorinto 5:8

kum kumeno dong’ wakwiru agba, ku thobi ma con re ngo, kadok ku thobi mi cwiny mir akece ku dubo de ngo, ento ku kwen ma thobi mbe i ie mi cwiny ma abombi mbe i ie ku lemandha.

2 Jukorinto 1:17

E kinde ma ia pido kumeno, anyutho lok ma pidoia lokre ko swa? kadi gin m’akeco ya abitimo, akeco calku kum, ya eyo eyo kud ungo ungo ubed nuti i bang’a?

2 Jukorinto 11:3

Ento alworo, kuno nyo ku yo moko, calu thwol uboinbo Eva ku rieko pare, e pidoiwu binyothre kud i bedo m’ebedo ma abombi mbe i ie man i leng’ m’e leng’ ko yo ba Kristu.

2 Jukorinto 2:17

Kum wan wa calu dupa ngo, ma gibenyotho lem pa Mungu: ento wayero mwa i Kristu, endre calu ma abombi mbe i cwinywa, ento calu pa Mungu i wang’ Mungu.

2 Jukorinto 4:2

ento wadaru kwero giramung’a mi lewic, ma wabewotho ko ku rieko mir awondi ngo, kadi ma wabetimo lembe pa Mungu ku ndra de ngo; ento ku nyuthonyuth mi lemandha ma wabefoira ko ni pidocwiny mi dhanu kubang’gi kubang’gi i wang’ Mungu.

2 Jukorinto 8:8

Ayero ma nia amio ko lembang’ola ngo, endre calu amulo ko kit mer mu maeni bende ni kum amora mi jumange.

Jugalatia 6:4

Ento dong’ ng’atuman ukor i tic pare cu, e kulula bilund nege i kume gire kende, man kum wadi re ngo.

Juefeso 6:14

Wucung kumeno, ma wudaru twio pierwu ku lemandha, man wudaru royo asi mi bedopwe,

Jufilipi 1:10

kara wung’i gin ma ber ku gin ma rac de; kara wubed ma awondi mbe kudu ma kier de mbe kudu cil i ceng’ pa Kristu;

1 Jutesaloniki 2:10

Wun wu jumulembe, ku Mungu bende, maram watimbra ko leng’, man pwe, man umbe adote iwu wu ju m’uyio:

1 Timoteo 1:5

Ento kajik mi lembang’ola en e mer ma ai yo i adunde ma njwa, ku pidocwiny ma ber, man yioyic ma abombi mbe i ie:

Tito 2:7

nyuthri giri i gin ceke ni japor mi tic ma ber, i ponji peri nyuth ma nyothre ngo, ma lele mbe i ie,

Juebrania 13:18

Wurwo piwa: kum wageno andha nia wabedo ku pidocwiny ma ber, ma wabeyenyo wabed ko ber i gin ceke.

Yakobo 4:6

Ento emedo bero mange. Kum kumeno lembagora pa Mungu wacu kumae, Mungu gut kum jukuhaya, ento emio bero ni ju ma mol.

Yocuwa 24:14

Ka kumeno kawono wulwor Yehova, man wutim ire umbe abombi man i lemandha; man wukab mungu ma kwaruwu timo igi loka Kulo, man i Misiri cen; man wutim ni Yehova.

1 Petro 3:16

ma wubedo ko ku pidocwiny ma ber; kara, i maeni ma juyero nyingwu i kume, jubin juketh lewic umak ju ma gicayu kura bedo mu ma ber ma i Kristu.

1 Petro 3:21

m’ubodho wun kawono calkud ayi mandha, en e baputisi, m’iketho cilo m’i kum cen re ngo, ento en e penji mi pidocwiny ma ber yo ba Mungu, ni kum cer pa Yesu Kristu;