2 Jukorinto 1:11 - The Holy Bible In Alur (Lur) Revised Orthography

¹¹ ma wubekonyo karacelo bende piwa ku kwac ma wukwayu; kara, kum giramia ma jumio iwa ni kum dhanu dupa, foyofoc umire ku dhanu dupa ni kumwa.

2 Jukorinto 1:11 ပူးပေါင်းရင်းမြစ်များ

Isaya 37:4

Kuno nyo Yehova Mungu peri biwinjo lembe pa Rabcake, m’ubimo mir Ascur ma rwoth pare oro kara ecai ko Mungu ma kwo, man ebijuko lembe ma Yehova Mungu peri winjo: kum kumeno ting’ rwo peri malu pi dong’dhanu m’udong’.

Tic Mi Jukwenda 12:5

Ka kumeno jukuro Petro i odkol: ento kanisa giguro rwo ma tek ni Mungu pire.

2 Jukorinto 4:15

Kum gin ceke en e piwu, kara bero maeni, m’ucikumedre ni kum dhanu dupa, uketh foyofoc usagre ni dwong’ pa Mungu.

2 Jukorinto 9:14

kinde ma gin gigi bende, ku kwac ma gikwayu i kumwu, ava wu benegogi ni kum bero ma apila pa Mungu ma ni i iwu.

Jufilipi 1:19

Kum ang’eyo nia maeni bilokre ni both para, ni kum kwac ma wukwayu man ke ku kony pa Tipo Yesu Kristu,

Jukolosai 4:3

karacelo ku maeni wurwo iwa bende, kara Mungu yab iwa dhugola ni lembe, kara wayer giramung’a pa Kristu, ma an bende ani i kol pire;

1 Jutesaloniki 5:25

Umego, wurwo i kumwa.

2 Jutesaloniki 3:1

Aha a, umego, dong’ wurwo piwa, kara lembe pa Rwoth uringi man edok dwong’, cil calu ebedo bende kudu;

Filemon 1:22

Ento karacelo ku maeni dong’ iyik kabedo ira bende: kum ageno ya ni kum rwo mu e jubidwoka i beng’wu.

Juebrania 13:18

Wurwo piwa: kum wageno andha nia wabedo ku pidocwiny ma ber, ma wabeyenyo wabed ko ber i gin ceke.