1 Yohana 2:9 - The Holy Bible In Alur (Lur) Revised Orthography

⁹ Ng’atu m’uwacu nia eni i der enke edagu umin, nwang’u eni i mudho cil ku kawono de.

1 Yohana 2:9 ပူးပေါင်းရင်းမြစ်များ

2 Samwil 13:22

Man Absalom uyero lembe moko ngo ni Amnon ma rac kadi ma ber de; kum Absalom udagu Amnon, kum edubo Tamar ma nyamin mire.

Zaburi 82:5

Ging’eyo ngo, kadok ang’ia de ging’io ngo; Giwotho kun ku kun i mudho: Thepiny ceke mi ng’om uyengre.

Lembe Mi Julawi 19:17

Kud idag umeru ku yo i adundeni: juk wedu andha, man kud iyei dubo ni kume.

Yohana 9:41

Yesu wacu igi kumae, Tek wun abinga, kuno di dubo mbe kudu: ento kawono wuwacu kumae, Waneno piny: kum kumeno dubo mu dong’.

Tic Mi Jukwenda 1:15

Ceng’ nica Petro cungo malu i kind umego, (nwang’u udul dhanu gicoko dhoggi karacelo, giyenyo romo dak acel ku pier ario,) ewacu kumae,

2 Petro 1:9

Kum ng’atu ma gin maeni mbe kude en e abinga, m’eneno ko gin ma ceng’ni kende, ma wie wil kum lwok mi dubo pare ma con.

1 Yohana 1:6

Tek wawacu nia wabedo ku ripocwiny wakude enke wawotho i mudho, nwang’u waewayu ndra, watimo lemandha de ngo:

1 Yohana 2:11

Ento ng’atu m’udagu umin eni i mudho, ewotho de i mudho, eng’eyo de ngo ka m’ecidho i ie, kum mudho cido wang’e.

1 Yohana 2:4

Ng’atu m’uwacu kumae, Ang’eye, enke eworo cik pare ngo, en e jandra, man lemandha mbe i ie:

1 Yohana 3:10

I maeni nyithindho pa Mungu nyuthri, man nyithindho pa wonabali: ng’atu ma tek timo bedopwe ngo nwang’u en e pa Mungu ngo, kadok ng’atu m’umaru umin ungo bende.

1 Yohana 4:20

Tek ng’atu moko wacu kumae, Amaru Mungu, ma en ke edagu umin, nwang’u en e jandra: kum ng’atu m’umaru umin ungo m’eneno, ecopo maru Mungu ngo m’eneno ngo.