1 Ubimo 9:9 - The Holy Bible In Alur (Lur) Revised Orthography

⁹ man gibiloko lembe kumae, Kum giweko Yehova Mungu migi, m’uwodho kwarugi woko kud i ng’om Misiri, man giketho cwinygi kum mungu mange, girwo i bang’gi de, man gitimo igi: ka kumeno Yehova kelo lembe ma rac maeni ceke i wigi.

1 Ubimo 9:9 ပူးပေါင်းရင်းမြစ်များ

1 Ubimo 18:18

Man eloko lembe kumae, Asendo Israel ungo; ento in, ku ot pa wuru, kum wukuno lembang’ola pa Yehova, man ilubo Balim.

2 Ubimo 22:17

Kum giweka, man giwang’u udok ma ng’wice ng’ar ni mungu mange, kara ginyai ng’ecwiny i ia ku tic ceke m’i cing’gi, ka kumeno kwinyo para biopo kum ka maeni, man jubinege ngo.

2 Lemkei 29:8

Kum kumeno kwinyo pa Yehova ni wi Yuda ku wi Yerusalem, man emiogi kara juwoth kugi rr, kara gibed ni gin ma wang’u ijo, man jamcac, calu wuneno ku weng’wu.

2 Lemkei 7:22

E gibiloko lembe kumae, Kum giweko Yehova, Mungu pa kwaru migi, m’uwodhogi woko kud i ng’om Misiri, man gimoko kum mungu mange, girwo igi de, man gitimo igi: ka kumeno ekelo lem ma rac maeni ceke i wigi.

Yeremia 2:19

Dubo peri giri biponji, man corocen peri bijuki: ka kumeno ing’ei man inen nia en e gin ma rac man ma kec, nia iweko Yehova Mungu peri, man nia lworo para mbe i ii, Rwoth, Yehova mir udul, uwacu.

Yeremia 22:8

Man thek dupa bikadhu ku kum adhura maeni, e gibiwacu kubang’gi kubang’gi ng’atuman ni wadi kumae, Pirang’o Yehova timo kumeni kum adhura ma dit maeni?

Yeremia 44:23

Kum wuwang’u udok ma ng’wice ng’ar, man kum wudubo ni Yehova, man wuworo dwand Yehova ngo, kadi i cik pare de wuwotho ngo, kadi i lembang’ola pare, kadi i lembatuca pare; ka kumeno lem ma rac maeni timbre i kumwu, calu ebedo tin.

Yeremia 5:19

Man ebitimbre, kinde ma wuwacu kumae, Pirang’o Yehova Mungu mwa timo gin maeni ceke i kumwa? ibilund wacu igi kumae, Calu wtiweka, man wutimo ni mungu ma wi rok i ng’om mu, wubitimo ni juwirok i ng’om ma en e mu ngo kumeca.

Yeremia 50:7

Ju m’unwang’ugi ceke gicamugi; man jusend migi wacu kumae, Lembe ni i wiwa ngo, kum gidubo ni Yehova, ma kabedo mi bedopwe, en e Yehova, ma genogen mi kwarugi.

Ywak 2:15

Dhanu ceke m’ukadhu akadha giteng’o cing’gi iri; Gicwio nya Yerusalem man giyengo wigi ire, giwacu kumae, Maeni adhura ma dhanu lwong’o kumae, Gin ma ndhu cu mi leng’, Anyong’a mi ng’om ngung’i?

Poi Mi Cik 29:23

man nia ng’ombe dho en e muganga, ku kadu, man girawang’a, nia jucoye ngo, kadi ecego nyinge de ngo, kadi lum moko de dongo i ie ngo, calu redh mi Sodom ku Gomora, man Adma ku Zeboim, ma Yehova redho ni kum ng’ecwiny pare, man ni kum kwinyo pare: